Лінкі ўнівэрсальнага доступу

У Берасьцейскай крэпасьці зьнішчылі заказьнік унікальных кажаноў


Берасьцейская шыракавушка эўрапейская. Здымак з сайта rucheek.by

Берасьцейская шыракавушка эўрапейская. Здымак з сайта rucheek.by

Трывогу забілі супрацоўнікі мясцовага камітэту прыродных рэсурсаў, якія выявілі, што невядомыя зьнішчылі зімоўку кажаноў у заказьніку «Барбастэла» ў фартах Берасьцейскай крэпасьці.

Пры тым мясцовы заказьнік быў спэцыяльна створаны для захаваньня самай буйной у Беларусі зімоўкі рэдкага віду кажаноў, занесенага ў Чырвоную кнігу — шырокавушкі эўрапейскай. Паводле прадстаўніка Берасьцейскай міліцыі Генадзя Вайтовіча, забіта каля ста кажаноў, значная колькасьць траўмаваныя. Вайтовіч сказаў, што пры аглядзе месца знойдзеныя рэчавыя доказы і па выніках праверкі будзе дадзеная адпаведная юрыдычная ацэнка дзеяньням невядомых.

Вучоны-эколяг Віктар Дзям’янчык называе здарэньне жахлівым браканьерствам. Паводле яго астатнія кажаны праз узламаныя дзьверы разьляцеліся з фартоў і калі яны ня вернуцца, то могуць замёрзнуць цягам халодных начэй.

Паводле беларускіх народных павер’яў кажаноў варта было асьцерагацца: калі ён сядзе на дзіця, тое перастане расьці (што адлюстравана ў славутым вершы Паўлюка Багрыма «Кажане-кажане, чаму ж ты ня сеў на мяне, каб я большы не падрос ды ад бацькавых калёс»). Тым ня менш, гэтую таямнічую жывёліну стараліся ніколі ня крыўдзіць.

Паказаць камэнтары

XS
SM
MD
LG