Лінкі ўнівэрсальнага доступу

Ужо сёньня, 26 лістапада: дзень нараджэньня Ўладзімера Караткевіча


Уладзімер Караткевіч падчас здымак фільму «Родная зямля»

Уладзімер Караткевіч падчас здымак фільму «Родная зямля»

Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

З 10 да 11 гадзіны на сайце Белдзяржтэлерадыёкампаніі www.tvr.by – онлайн канфэрэнцыя старшыні кампаніі Генадзя Давыдзькі.

У Нацыянальным прэсавым цэнтры – канфэрэнцыя з удзелам прадстаўнікоў Цэнтра анкалёгіі і мэдычнай радыялёгіі, прысьвечаная нацыянальнай акцыі «Пераможам рак разам». Пачатак у 12 гадзінаў.

У канфэрэнц-залі Музэю гісторыі вялікай айчыннай вайны – вечарына памяці Мікалая Крукоўскага, беларускага філёзафа, эстэтыка, удзельніка партызанскага руху. Пачатак у 17 гадзінаў.

У офісе Партыі БНФ – круглы стол «Прыняцьце закону Рэспублікі Беларусь аб абароне жывёл». Пачатак у 18 гадзінаў.

У кнігарні «логвінаЎ» у дзень нараджэньня Уладзімера Караткевіча і ў рамках фэстывалю «Лятучы стол Караткевіча» адбудзецца вечар «Быў. Ёсьць. Буду», на якім будуць прадстаўленыя першыя чатыры тамы поўнага збору твораў пісьменьніка. Пачатак у 19 гадзінаў.

Жэнэва, адкрыцьцё форуму ААН у пытаньнях меншасьцяў.

Завяршэньне візыту прэзыдэнта Расеі Ўладзімера Пуціна ў Італію і ў Ватыкан.

ДЗЕНЬ У ГІСТОРЫІ

1394 – Сэул робіцца сталіцай Карэі.

1812 – Расейска-француская вайна: пачатак бітвы на Бярэзіне.

1943 – Другая сусьветная вайна: ад нямецкай акупацыі вызвалены Гомель.

1994 – створанае аб’яднаньне беларусаў Масквы «Бацькаўшчына».

У гэты дзень нарадзіліся:

1799 – Міхаіл Кулеша, мастак, літограф.

1805 – Яўстах Янушкевіч, беларускі кнігавыдавец, публіцыст, арганізатар паўстаньня 1830-1831 гадоў.

1837 – Міхаіл Эльвіра Андрыёлі, мастак, ілюстратар, удзельнік паўстаньня 1863 году.

1894 – Норбэрт Вінэр, матэматык, адзін са стваральнікаў кібэрнэтыкі.

1901 – Антон Янкоўскі, беларускі народны сьпявак, зьбіральнік фальклёру.

1909 – Эжэн Ёнэско, францускі драматург.

1925 – Юры Семяняка, народны артыст Беларусі, кампазытар.

1930 – Уладзімер Караткевіч, беларускі пісьменьнік і паэт.

1961 – Віктар Аслюк, беларускі кінадакумэнталіст.

У гэты дзень памерлі:

1855 – Адам Міцкевіч, польскі паэт беларускага паходжаньня.

1864 – Тэадор Нарбут, беларускі гісторык.

2007 – Ізяслаў (Бруцкі), мітрапаліт і першагерарх БАПЦ.

ЦЫТАТА ДНЯ

Таталітарная дзяржава рэагуе на сыгналы зваротнай сувязі зьнішчэньнем іх носьбітаў.

Норбэрт Вінэр

Паказаць камэнтары

XS
SM
MD
LG