«Свабода» пакажа прэзэнтацыю ўнікальнай кнігі Барадуліна

«„Вушацкі словазбор“ — спроба сабраць за адным бяседным сталом хоць крышачку непераўзыдзенага шматгалосься роднае мне зямлі, шматгалосься, якое, на жаль, пачынае глухнуць», — піша Рыгор Барадулін ва ўступным слове да кнігі.

Народны паэт склаў ня проста слоўнік адметнай лексыкі Вушаччыны, ён імкнуўся перадаць «паганскія карані і біблейскае неба», «чысьціню бачаньня сьвету», галасы "мамы Куліны, крэўных і блізкіх«,— адзначае прэсавая служба Саюзу беларускіх пісьменьнікаў.

У вечарыне возьмуць удзел:

• Генадзь Бураўкін
• Натальля Давыдзенка (укладальніца кнігі)
• Уладзімір Някляеў (аўтар прадмовы)
• Алесь Пашкевіч
• Барыс Пятровіч
• Кастусь Цьвірка (рэцэнзэнт выданьня)

Прэзэнтацыя новай кнігі Рыгора Барадуліна «Вушацкі словазбор» адбудзецца ў менскай кнігарні «ЛогвінаЎ» (пр. Незалежнасьці, 37А).

Пачатак — 18-й.

Радыё Свабода плянуе весьці жывую відэатрансьляцыю з прэзэнтацыі.

Раней у Бібліятэцы Свабоды выйшла кніга «Дуліна ад Барадуліна». Электронны варыянт можна чытаць тут