Лінкі ўнівэрсальнага доступу

Ужо сёньня, 14 лістапада: Пачатак Слуцкага збройнага чыну, прэзэнтацыя кніг Івашчанкі і Сьцебуракі ў Віцебску, дзень памяці Ўлашчыка і Кісялёва


Анатоль Івашчанка

Анатоль Івашчанка

Ужо сёньня, 14 лістапада: Пачатак Слуцкага збройнага чыну, прэзэнтацыя кніг Івашчанкі і Сьцебуракі ў Віцебску, дзень памяці Ўлашчыка і Кісялёва

ПАДЗЕІ ДНЯ

Віцебск. У памяшканьні Арт-базы Vitebsk4.me (вул. Кастрычніцкая, 13) адбудзецца вечарына-прэзэнтацыя паэтычных кніг Анатоля Івашчанкі і Ўсевалада Сьцебуракі – «Хай так» і «Бег па самаадчуваньні». Спэцыяльная госьця імпрэзы – бард Тацьцяна Беланогая, якая прэзэнтуе свой новы альбом «Сьвятло і цені!». Пачатак а 18:00.

Менск. У галерэі «Ў» галерэя «Мастацкая ніша» прадстаўляе творчасьць маладых літоўскіх мастакоў пад агульнай назвай «Сынхранізацыя»: жывапіс Яланты Кізікайце і Канстанцінаса Гайтанжы, фільмы відэамастака Рымаса Сакалаўскаса і галяграфічную інсталяцыю скульптара Альгіса Каспаравічуса. Прэс-канфэрэнцыя адбудзецца а 15.00, адкрыцьцё а 19.00. Уваход вольны.

Горадня. У офісе ГА «Цэнтар «Трэці Сэктар» (вул. Будзёнага 48А – 63) пройдзе дыскусія «Функцыі культуры ў грамадзтве». Пачатак а 18:30.

Менск. У літаратурна-мэмарыяльным музэі Якуба Коласа будзе адкрытая выстава, прысьвечаная творчасьці Крыстыёніса Данелайціса з нагоды 300-годзьдзя з дня яго нараджэньня і 90-годзьдзя паэмы Якуба Коласа «Новая зямля». Пачатак а 16.00.

Менск. Група кампаній «Менка» і Інстытут гісторыі НАН Беларусі праводзяць міжнародную навукова-практычную канфэрэнцыю «Гісторыя гандлю ў Беларусі (з старажытных часоў да канца ХХ ст.): Праблемы вывучэньня і пэрспэктывы дасьледаваньня». Інстытут гісторыі НАН Беларусі

Менск. У кавярні LOFT (вул. Броўкі, 22) адбудзецца спэктакль паводле тэксту Паўла Пражко «Гаспадар кавярні». Пачатак а 19:00

ЁСЬЦЬ НАГОДА

Сусьветны дзень барацьбы з дыябэтам.

ГЭТЫ ДЗЕНЬ У ГІСТОРЫІ

1915 – у Вільні адкрылася першая беларуская пачатковая школа. Заснавала яе Таварыства дапамогі пацярпелым ад вайны. Маршалкам Таварыства быў Вацлаў Іваноўскі, а ягонымі намесьнікамі – Антон Луцкевіч і Вацлаў Ластоўскі. Неўзабаве такіх школак будзе адкрыта дзясяткі, а праз чатыры гады пачне працу славутая Віленская беларуская гімназія.

1919 – генэрал Станіслаў Булак-Балаховіч падаў заяву пра пераход са сваім атрадам на службу БНР.

1920 – пачалося Слуцкае ўзброенае паўстаньне за аднаўленьне незалежнасьці БНР, у часе якога Случчына была абвешчана тэрыторыяй БНР.

1922 – у Вялікабрытаніі пачала вяшчаць радыёкампанія Бі-Бі-Сі.

1926 – у Менску пачалася 1-я Беларуская акадэмічная канфэрэнцыя ў пытаньнях рэформы беларускага правапісу і азбукі.

У гэты дзень нарадзіліся:

1757 – Казімір Нестар Сапега, дзяржаўны і вайсковы дзяяч Вялікага Княства Літоўскага, удзельнік паўстаньня Тадэвуша Касьцюшкі.

1812 – Паўлюк Багрым, паэт.

1840 – Клод Манэ, францускі мастак-імпрэсіяніст.

1881 – Аляксей Кайгарадаў, акадэмік, кліматоляг і геафізык.

1900 – Нічыпар Чарнушэвіч, паэт.

1902 – Міхась Машара, пісьменьнік і грамадзка-палітычны дзяяч.

1905 – Міхась Васілёк, беларускі паэт.

1907 – Астрыд Ліндгрэн, швэдзкая дзіцячая пісьменьніца, аўтарка кніжак пра Малыша і Карлсана.

1912 – Янка Золак, паэт.

1933 – Леанід Пракопчык, і краязнавец і пісьменьнік.

1950 – Уладзімер Кін-Камінскі, актор.

У гэты дзень памерлі:

1359 – Рыгор Палама, праваслаўны багаслоў.

1398 – Андрэй Васіла, першы віленскі біскуп.

1716 – Готфрыд Лейбніц, нямецкі матэматык і філёзаф.

1831 – Георг Гегель, нямецкі філёзаф.

1986 – Мікола Ўлашчык, гісторык і археограф.

2008 – Генадзь Кісялёў, гісторык, літаратуразнавец, пісьменьнік і археограф.

2008 – Аляксандар Дракахруст, паэт і перакладчык.

ЦЫТАТА НА ПАМЯЦЬ

Наша мова – бярозавік весьні,
Аксаміт жаўруковае песьні,
Шум гаёў, пушчы грознае голас,
Акавітай успоены колас,
Матак нашых пяшчоты адвеку,
Отмуць-вір у вазёрах і рэках,
Васілёк сінявокі ў збожжы,
Агняцьвет нашай сілы, дар Божы.


Янка Золак, верш «Наша мова»
XS
SM
MD
LG