Лінкі ўнівэрсальнага доступу

Магілёў: горад у заторы


 Заторы на мосьце, які вымагае рамонту

Заторы на мосьце, які вымагае рамонту

Магілёў больш за месяц жыве з заторамі. Адзін з трох мясцовых мастоў праз Дняпро на рамонце.

6 лістапада гарадзкія ўлады абяцалі, што па адной палове Шмідтаўскага моста рух транспарту адновіцца.

Напярэдадні старшыня гарвыканкаму Ўладзімер Цумараў заявіў: «Я рады, што дакладна у тэрмін, да сьвята, мы адкрываем рух».

Заява чыноўніка, аднак, ня спраўдзілася. Рух не аднавіўся дагэтуль. Як высьветлілася транспарт не пусьцілі, бо выявіліся дэфэкты ў канструкцыі моста. Цяпер абяцаюць, што мост адчыняць 11 лістапада.

Пакуль яго рамантуюць на другім мосьце, які злучае цэнтар гораду з Задняпроўем, заторы. Аўтамабільны ланцуг расьцягваецца на некалькі сот мэтраў. У пікавыя гадзіны ён яшчэ большы. Аўтамабілісты з боязьзю чакаюць набліжэньня зімы і сьнегападаў. Кажуць, што тады горад сутыкнецца з транспартным каляпсам.

Зачыняць на капітальны рамонт трэба і той мост, на якім цяпер заторы. Стан яго крытычны.

Транспартны затор. заторы на пад’ездзе да маста

Транспартны затор. заторы на пад’ездзе да маста



Шмідтаўскі мост на рамонце

Шмідтаўскі мост на рамонце






XS
SM
MD
LG