ПАДЗЕІ ДНЯ
У Варшаве адкрываецца канфэрэнцыя ААН аб зьменах клімату.
У творчай майстэрні ЦЭХ на пр. Незалежнасьці, 58, кв. 6 у Менску адбудзецца дыскусія пра альтэрнатыўны тэатральны рух у Беларусі, пачатак а 16-й.
На сядзібе ТБМ у межах кампаніі «Будзьма» – чарговыя заняткі школы «Гісторыя ў падзеях і малюнках» пад кіраўніцтвам кандыдата гістарычных навук Алега Трусава. Заняткі будуць прысьвечаныя вывучэньню сучаснай гісторыі Беларусі . Пачатак а 18-й.
ГЭТЫ ДЗЕНЬ У ГІСТОРЫІ
1917 – у Віцебску выйшаў першы нумар газэты «Известия военно-революционного комитета г. Витебска» (пераемніцай стала газэта «Віцебскі рабочы»).
1918 – скончылася Першая сусьветная вайна.
1975 – Ангола атрымала незалежнасьць ад Партугаліі.
1992 – Рэспубліка Беларусь усталявала дыпляматычныя зносіны з Ватыканам.
1999 – з Аршанскай калёніі выйшаў на свабоду двойчы Герой Сацыялістычнай працы Васіль Старавойтаў.
2004 – Літва першай з краінаў Эўразьвязу ратыфікавала ўстаўную дамову ЭЗ.
ТАКСАМА Ў ГЭТЫ ДЗЕНЬ
У каталіцкім календары – Сьвяты Марцін, які лічыцца адным з самых славутых сьвятых Рымскага касьцёлу. Яго імя носяць сотні сьвятыняў у Францыі ці Польшчы. Сьвяты Марцін зьяўляецца апекуном вайскоўцаў, краўцоў, бедных і жабракоў, а таксама хатняй жывёлы, асабліва коней і гусей. На сьвята ў яго гонар у многіх краінах гатуюць традыцыйную гусю. У Чэхіі лічыцца, што да Сьвятога Марціна гатовае маладое віно сёлетняга ўраджаю. Паводле народных прыкметаў, Марцін прыяжджае на «белым кані», г.зн. зь першым сьнегам.
У гэты дзень нарадзіліся:
1903 – Аляксандар Ільінскі, беларускі актор, народны артыст Беларусі.
1909 – беларускі архітэктар Георгій Заборскі, аўтар сярод іншага будынкаў Музэя Якуба Коласа і Музэю Вялікай айчыннай вайны.
1929 – Леанід Сушчэня, беларускі вучоны заоляг і біёляг.
У гэты дзень памерлі:
1975 – Пётар Савачкін, беларускі гісторык.
2004 – Ясір Арафат, кіраўнік Палестынскай аўтаноміі.
ЦЫТАТА НА ПАМЯЦЬ
Radost Martina je husa a džbán vína.
Чэская прыказка
