За савецкім часам у Армэніі гісторыю СССР вывучалі зь пятага па дзясяты клясы, а курс «Гісторыя армянскага народу» быў разьлічаны ўсяго на два гады, дый падручнікі былі значна меншыя паводле аб’ёму.
Пасьля развалу Савецкага Саюзу школьнікі сталі вывучаць курсы «ўсеагульнай гісторыі» і «гісторыі армянаў».
Пры гэтым абодва курсы збудаваныя так, што іх галоўная тэма — гісторыя армянаў, пададзеная на агульным фоне ўсясьветнай гісторыі.
У савецкіх падручніках уступленьне на тэрыторыю Армэніі XI Чырвонай арміі, якое прывяло да ўсталяваньня там савецкай улады і заканчэньня двухгадовага (1918–1920 гг.) пэрыяду незалежнасьці, падавалася як найважнейшая падзея ў вызваленьні армянскага народу.
У сучасных падручніках бальшавізацыя Армэніі ўяўляецца як вымушаны крок, выкліканы «неспрыяльнай міжнароднай сытуацыяй, нападам Турцыі ў верасьні 1920 году без абвяшчэньня вайны», — тлумачыць дэкан факультэту гісторыі Ерэванскага дзяржаўнага ўнівэрсытэту Эдзік Мінасян.
Школьнікаў знаёмяць з гісторыяй узаемаадносінаў з суседнімі краінамі, тэрытарыяльнымі спрэчкамі і збройнымі канфліктамі апошніх гадоў.
У савецкіх падручніках тэму генацыду армянаў у Асманскай імпэрыі абміналі. Цяпер жа зьвесткі пра дзеяньні турэцкіх уладаў, ад якіх загінула каля 1,5 мільёна чалавек, школьнікі праходзяць у восьмым клясе.
У постсавецкіх падручніках зьявілася інфармацыя пра сталінскія рэпрэсіі, пра карабахскі рух, які паспрыяў развалу СССР.
Некаторыя гісторыкі мяркуюць, што падручнікі варта было б напісаць у больш патрыятычных колерах, іншыя лічаць недахопам адсутнасьць іншых, акрамя армянскіх, пунктаў гледжаньня.
Пасьля развалу Савецкага Саюзу школьнікі сталі вывучаць курсы «ўсеагульнай гісторыі» і «гісторыі армянаў».
Пры гэтым абодва курсы збудаваныя так, што іх галоўная тэма — гісторыя армянаў, пададзеная на агульным фоне ўсясьветнай гісторыі.
У савецкіх падручніках уступленьне на тэрыторыю Армэніі XI Чырвонай арміі, якое прывяло да ўсталяваньня там савецкай улады і заканчэньня двухгадовага (1918–1920 гг.) пэрыяду незалежнасьці, падавалася як найважнейшая падзея ў вызваленьні армянскага народу.
У сучасных падручніках бальшавізацыя Армэніі ўяўляецца як вымушаны крок, выкліканы «неспрыяльнай міжнароднай сытуацыяй, нападам Турцыі ў верасьні 1920 году без абвяшчэньня вайны», — тлумачыць дэкан факультэту гісторыі Ерэванскага дзяржаўнага ўнівэрсытэту Эдзік Мінасян.
Школьнікаў знаёмяць з гісторыяй узаемаадносінаў з суседнімі краінамі, тэрытарыяльнымі спрэчкамі і збройнымі канфліктамі апошніх гадоў.
У савецкіх падручніках тэму генацыду армянаў у Асманскай імпэрыі абміналі. Цяпер жа зьвесткі пра дзеяньні турэцкіх уладаў, ад якіх загінула каля 1,5 мільёна чалавек, школьнікі праходзяць у восьмым клясе.
У постсавецкіх падручніках зьявілася інфармацыя пра сталінскія рэпрэсіі, пра карабахскі рух, які паспрыяў развалу СССР.
Некаторыя гісторыкі мяркуюць, што падручнікі варта было б напісаць у больш патрыятычных колерах, іншыя лічаць недахопам адсутнасьць іншых, акрамя армянскіх, пунктаў гледжаньня.