Лінкі ўнівэрсальнага доступу

Баўмгертнэру выставілі абвінавачаньне ў і Расеі


Уладзіслаў Баўмгертнэр

Уладзіслаў Баўмгертнэр

Расейскія сьледчыя лічаць, што кіраўнік «Уралкалія» Ўладзіслаў Баўмгертнэр быў непасрэдным арганізатарам схемы, якая нанесла шкоду бюджэту Расеі.

Інтэрфакс са спасылкай на Сьледчы камітэт Расеі паведаміў, што Баўмгертнэру ў Расеі завочна выставілі абвінавачаньне паводле артыкула Крымінальнага кодэксу РФ «Злоўжываньне паўнамоцтвамі, якое пацягнула за сабой цяжкія наступствы».

«Баўмгертнэру інкрымінуецца непасрэдная арганізацыя злачынства, кіраваньне саўдзельнікамі», — заявілі ў СКР.

6 лістапада скаргу на завочны арышт Баўмгэртнэра разгледзіць Маскоўскі гарадзкі суд. Паседжаньне пачнецца ў 11:45 (паводле маскоўскага часу), паведамілі БелаПАН у прэсавай службе Масгарсуду.

21 кастрычніка Басманны раённы суд Масквы завочна арыштаваў гендырэктара «Ўралкалія» Баўмгертнэра. Яго падазраюць паводле крымінальнага артыкула «Злоўжываньне паўнамоцтвамі».

Уладзіслаў Баўмгертнэр быў затрыманы ў Менску 26 жніўня. Яго зьмясьцілі ў сьледчы ізалятар КДБ і абвінавацілі ў злоўжываньнях. Сьледчыя органы Беларусі лічаць, што Баўмгертнэр і шэраг іншых топ-мэнэджэраў Беларускай калійнай кампаніі нанесьлі страты «Беларуськалію» і БКК у памеры да 100 мільёнаў даляраў.

Ад 26 верасьня Баўмгертнэр знаходзіцца пад хатнім арыштам. Яго трымаюць у Менску на найманай кватэры.
XS
SM
MD
LG