Лінкі ўнівэрсальнага доступу

Уладальніка майкі «Лукашэнка, сыходзь!» судзяць

абноўлена

Юрыя Рубцова прывезьлі ў суд Савецкага раёну Менску
пачакайце

No media source currently available

0:00 0:00:25 0:00
Наўпроставы лінк

Справу Юрыя Рубцова разглядае суд Савецкага раёну Менску.

15.20 Юры Рубцоў асуджаны на трое сутак

13.13 Суд не задаволіў хадайніцтва пра адвод судзьдзі.

Аднак суд задавіў іншае хадайніцтва: выклікаць сьведкаў Максіма Вінярскага, Леаніда Кулакова і Арцёма Шрайбмана.

13.00 Пачаўся суд. Анатоль Рубцоў заявіў пра адвод судзьдзі Дзьмітрыя Паўлічэнкі, так як, паводле яго меркаваньня, усе судзьдзі працуюць на кароткатэрміновых кантрактах і таму залежаць ад уладаў.

Перапынак у судзе.

11.15 Свае дзеяньні на шэсьці 3 лістапада Рубцоў патлумачыў так: «Лукашэнка сказаў, што сыйдзе, калі яго пра гэта папросіць народ. Вось я і прашу».


11.00 Рубцову — 52 гады. Ён працуе ў гомельскім Цэнтры будоўлі і рамонту. Актывіст незалежнага прафсаюзу.

Юры Рубцоў
Юры Рубцоў


Рубцоў у інтэрвію Радыё Свабода заявіў, што некалькі разоў хадзіў у гэтай майцы па вуліцах Гомелю. Маўляў, ніякіх праблемаў не было.

Лукашэнка сказаў, што сыйдзе, калі яго пра гэта папросіць нарпод. Вось я і прашу
Юры Рубцоў
Рубцова вінавацяць у тым, што ён не падпарадкаваўся міліцыі.

Пасьля затрыманьня на яго склалі пратакол. Аднак не далі яму прачытаць.

10.55 Рубцова прывезьлі ў суд.

Пра яго толькі вядома, што ён пэнсіянэр, жыхар Гомеля.

10.50 Карэспандэнт Радыё Свабода, які знаходзіцца ў судзе, перадае, што Рубцова на разгляд справы яшчэ не прывезьлі.

Аднак у суд прыйшлі некалькі ўдзельнікаў учорашняга шэсьця ў Курапаты. Яны кажуць, што Рубцова затрымалі на канцавым прыпынку грамадзкага транспарту на вуліцы Мірашнічэнкі.


Жыхара Гомеля Рубцова затрымалі 3 лістапада пасьля шэсьця ў Курапаты.

Усю акцыі Рубцоў прайшоў у майцы, на адным баку якой было напісана «Лукашэнка, сыходзь!», а на другім — «Чатыры разы прэзыдэнт — не! Гэта не прэзыдэнт, а цар-самазванец».

На пачатку шэсьця міліцыя патрабавала, каб Рубцоў зьняў майку. Аднак ён не паслухаўся.

Пра суд над Юрыем Рубцовым напісала ў сваім «фэйсбуку» праваабаронца Наста Лойка.

Яшчэ на гэтую тэму

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG