Лінкі ўнівэрсальнага доступу

Харлап: Нам пагражае дэмаграфічная вайна


Кітайскія працаўнікі на цэмэнтавым заводзе

Кітайскія працаўнікі на цэмэнтавым заводзе

Буйныя беларускія прадпрыемствы маюць дэфіцыт у рабочай сіле і бяруць на працу мігрантаў з краін Усходу і Азіі.

Пра гэта паведаміў старшыня рэспубліканскай асацыяцыі прамыслоўцаў Анатоль Харлап на пасяджэньні рады па разьвіцьці прадпрымальніцтва пры Савеце міністраў, якое прайшло 31 кастрычніка ў Менску.

Менскі аўтазавод, Менскі трактарны завод, Менскі завод колавых цягачоў заключаюць дамовы і прымаюць на працу грамадзян з Паўночнай Карэі, Віетнаму, Таджыкістану й іншых краін.

«Вядома, так адразу іх да станка не паставіш, але нашы прадпрыемствы плацяць ім пад’ёмныя, даюць інтэрнаты, праводзяць навучаньне», — цытуе Інтэрфакс Харлапа.

Паводле Харлапа, Беларусь адкрытая для прыёму кваліфікаваных кадраў. Аднак ён папярэдзіў пра дэмаграфічную вайну, якая ўжо ёсьць у Расеі і пагражае Беларусі.

Паказаць камэнтары

XS
SM
MD
LG