Лінкі ўнівэрсальнага доступу

Вольга Комар пра санкцыі: Мне гэта ніяк і не перашкаджала


Колішняя судзьдзя Вольга Комар

Сярод 13 выключаных са сьпісу неўязных у краіны Эўразьвязу — былая судзьдзя Вольга Комар, якая цяпер працуе адвакатам.

Вольга Комар сказала Свабодзе пра сваё выключэньне з «чорнага сьпісу»:

«Так, я задаволеная, але камэнтаваць гэта ня буду».

Карэспандэнт: «Пасьля звальненьня з пасады судзьдзі вы празь нейкі час пачалі працаваць адвакатам. Знаходжаньне ў „чорным сьпісе“ вам неяк замінала?»

«Не, гэта ніяк не адбівалася на маёй працы», — сказала Вольга Комар, але адмовілася адказваць на іншыя пытаньні.

Афіцыйны журнал Эўрапейскага зьвязу апублікаваў абноўлены сьпіс беларускіх чыноўнікаў, якія знаходзяцца пад візавымі і маёмаснымі санкцыямі. З гэтага сьпісу зьнікла прозьвішча Вольгі Комар.

У 2011 годзе як судзьдзя Фрунзенскага райсуду Вольга Комар асудзіла на 4 гады зьняволеньня ўдзельніка мітынгу 19 сьнежня 2010 году Васіля Парфянкова. Вольга Комар вядомая таксама тым, што скончыла Беларускі нацыянальны гуманітарны ліцэй імя Якуба Коласа.

Ваша меркаваньне

Паказаць камэнтары

XS
SM
MD
LG