Лінкі ўнівэрсальнага доступу

logo-print

Ужо сёньня, 30 кастрычніка: Дзень памяці ахвяраў палітычных рэпрэсій


Архіўнае фота 2009 году. Памінаньне расстраляных НКУС у Паляях

Архіўнае фота 2009 году. Памінаньне расстраляных НКУС у Паляях

ПАДЗЕІ ДНЯ

У галерэі «Ў» адбудзецца прэзэнтацыя кнігі аднаго зь лідэраў паўстаньня ў Варшаўскім геце Марка Эдэльмана і журналісткі Паўлі Савіцкай. З удзелам рэдактаркі кнігі Інэсы Кур’ян, перакладчыкаў Веранікі Бандаровіч і Юрася Барысевіча, прадстаўнікоў польскага габрэйскага музэю, а таксама аўтара ідыш-беларускага слоўніка Алеся Астравуха. Музычнае аздабленьне — ансамбаль клезмэраўскай музыкі «Мінскер Капелье». Пачатак а 19.00.

У Кіеве адбудзецца акцыя салідарнасьці з палітвязьнямі Ўкраіны і Беларусі. Арганізатарамі мерапрыемства зьяўляюцца Камітэт вызваленьня палітвязьняў і Рух Салідарнасці «Разам», актывісты якога прыедуць у Кіеў зь Беларусі.
Спачатку а 12.00 на Майдане Незалежнасьці адбудзецца пікет у падтрымку 22 украінскіх палітвязьняў і 11 беларускіх. Пасьля заканчэньня акцыі ўдзельнікі адправяць паштоўкі палітвязьням, а таксама аднясуць звароты ў прадстаўніцтва Эўрасаюзу ва Ўкраіне і ў амбасаду РБ у Кіеве. А 15.00 па адрасе вул. Мазепы, 6, у Фондзе імя Алега Ольжыча адбудзецца круглы стол на тэму «Чаму ў XXI стагодзьдзі ва Ўкраіне і Беларусі ёсць палітвязьні? Парушэньні правоў чалавека на постсавецкай прасторы».

30 кастрычніка — Дзень памяці палітычных рэпрэсій.

ГЭТЫ ДЗЕНЬ У ГІСТОРЫІ

1579 — адкрыўся Віленскі ўнівэрсытэт.

1921 — адкрыўся Беларускі дзяржаўны ўніверсітэт.

1988 — у Менску разагнаныя «Дзяды». У полі пад Курапатамі былі зачытаныя ўстаноўчыя дакумэнты «Мартыралёгу Беларусі» і Аргкамітэту БНФ.

У гэты дзень нарадзіліся:

1871 — Поль Валяры, францускі пісьменьнік.

1885 — Эзра Паўнд, амэрыканскі паэт.

1936 — Генадзь Цыхун, беларускі мовазнаўца.

У гэты дзень памерлі:

1936 — Фэрдынанд Рушчыц, беларуска-польскі мастак.

1937 — Тодар Кляшторны, беларускі паэт (нар. 1903).

1937 — Янка Нёманскі, беларускі пісьменьнік, грамадскі дзяяч (нар.1890).

1937 — Юлій Таўбін, беларускі паэт (нар. 1911).

ЦЫТАТА НА ПАМЯЦЬ:

Ўпрадае дым у залатую гладзь,
Па-над прасторамі бярозавая просінь,
Ружовы дзень спусьціўся падрамаць
За верхавінамі смалістых сосен.

Мядовы водар кружыць галаву...
У цішыні задумаліся далі.
Рамашкі белыя асьнежылі траву
І ў туманах салодка задрамалі.

О родны край, — саломеныя хаты...
Люблю прастораў казачную муць.
Іду адзін,
А тысячы крылатых
Мне пра любоў адвечную пяюць.


Тодар Кляшторны
XS
SM
MD
LG