Лінкі ўнівэрсальнага доступу

Малітва ў пастарунку. Здымкі схаванай камэрай
пачакайце

No media source currently available

0:00 0:01:46 0:00
Наўпроставы лінк

Жалобны маратон пачаўся з затрыманьняў

абноўлена

Міліцыянты затрымалі 23 удзельнікаў жалобнага маратону і журналістаў. У тым ліку 8-гадовага хлопчыка. Удзельнікі акцыі хацелі ўшанаваць памяць ахвяраў сталінізму.

12:09 29.10.2013
Міліцыя затрымала каля 20 чалавек, якія бралі ўдзел ва ўшанаваньні памяці ахвяр сталінізму.

Сярод затрыманых грамадзкія дзеячы Аляксей Шэін, Уладзімер Раманоўскі, Ганна Шапуцька, а таксама 5 журналістаў. Міліцыянты спынілі іх пасьля таго як былі ўскладзеныя кветкі на магілы ахвяраў сталінскіх рэпрэсіяў на Кальварыйскіх могілках.

Усіх затрыманых міліцыянты вядуць у пастарунак для высьвятленьня асобаў.

Удзельнікі акцыі за мекалькі хвілінаў да зартыманьня
Удзельнікі акцыі за мекалькі хвілінаў да зартыманьня
12:10 29.10.2013
29 кастрычніка — жалобны маратон у памяць ахвяраў рэпрэсіяў

29 кастрычніка – Дзень памяці ахвяраў таталітарных рэпрэсіяў

У ноч з 29 на 30 кастрычніка 1937 году ў сутарэньнях менскай унутранай турмы НКУС расстралялі больш за 100 беларускіх інтэлектуалаў — літаратараў, навукоўцаў і дзяржаўных дзеячаў. Сярод іх былі Алесь Дудар, Міхась Зарэцкі, Тодар Кляшторны, Янка Нёманскі, Міхась Чарот і іншыя.
12:12 29.10.2013
Адна з удзельніц ушанаваньня Галіна Сіўчык адмовілася падымацца па прыступках у Фрунзэнскі РУУС, бо ёй цяжка падымацца па прыступках, міліцыянты хацелі ён дапамагчы, але яна запярэчыла гэтаму, тады яе пакінулі ў спакоі.
12:16 29.10.2013
Хворую на ногі Галіну Сіўчык усё ж прымусілі зайсьці ў пастарунак.

Галіна Сіўчык выступае ў пастарунку з прамовай. Яна тлумачыць міліцыянтам, зь якой нагоды прадстаўнікі грамадзкасьці сабраліся на Кальварыйскіх могілках.
12:17 29.10.2013
Затрыманыя абвесьцілі ў пастарунку хвіліну маўчаньня па ахвярах.
12:17 29.10.2013
Усяго затрыманыя 22 чалавекі, у тым ліку адно дзіця.
12:24 29.10.2013
Здымак з ФБ Аляксея Шэіна
12:25 29.10.2013
Супрацоўніца міліцыі хацела перапісаць дакумэнты затрыманых. Яны ж запатрабавалі яе саму прад’явіць дакумэнты, тая адмовілася і сышла ні з чым.
12:26 29.10.2013
Затрыманаму хлопчыку 8 год, гэта сын Ільлі Дабратвора Яўсей.

Разам з хлопчыкам затрымана 23 чалавекі.
12:27 29.10.2013
Прысутныя моляцца і сьпяваюць «Магутны Божа».
12:35 29.10.2013
Пасьля гімна «Магутны Божа» ў актавай залі міліцыі Фрунзенскага раёну гучаць заклікі «Жыве Беларусь!»
12:38 29.10.2013
Затрыманыя сумна жартуюць, што ўпершыню іх арыштавалі на могілках. Маўляў, відаць, наступным разам на могілках і пакінуць.
12:50 29.10.2013
Міліцыянты прыйшлі у актавую залю. Яны патрабуюць не чыніць правакацыяў. Інакш паабяцалі, што затрыманых будуць трымаць цягам трох гадзінаў.

Затрыманыя кажуць, што мітынга не было, што яны толькі маліліся.

Міліцыянты кажуць, што будуць правяраць дакумэнты і браць тлумачэньні.

Журнлістаў хочуць правяраць асобна.
12:53 29.10.2013
Начальнік адзьдзелу аховы парадку Андрэй Галавін паабяцаў, што калі людзей затрымалі незаконна, у іх папросяць прабачэньня.
12:55 29.10.2013
Перад будынкам пастарунку дзяжураць людзі ў цывільным.
12:59 29.10.2013
Міліцыя разьдзяліла прысутных на групы. У затрыманых забіраюць мабільныя тэлефоны.
13:13 29.10.2013
Міліцэйскі чыноўнік заявіў Радыё Свабода: у міліцыю патэлефанавалі з адміністрацыі Кальварыйскіх могілак і паведамілі, што на могілках адбываецца несанкцыянаваны мітынг — супрацоўнікі МУС вымушаныя былі рэагаваць.

Пры гэтым міліцыянт адмовіўся назваць сваё імя і прозьвішча.
13:14 29.10.2013
Да пастарунку міліцыі пад'ехаў мікрааўтобус з надпісам «Тэлебачаньне».
13:35 29.10.2013
З пастарунку выпусьцілі журналістаў і прадстаўніцу Міжнароднай арганізацыі абароны правоў чалавека.

Журналісты пакідаюць пастарунак
Журналісты пакідаюць пастарунак
13:47 29.10.2013
Галавін выйшаў да журналістаў, якія дзяжураць ля пастарунку і папрасіў адыйсьці ад будынку.

Загрузіць яшчэ

XS
SM
MD
LG