Лінкі ўнівэрсальнага доступу

Затрымалі за ўлёткі супраць ушчыльненьня Ўручча


Віктар Талмачоў

Віктар Талмачоў

Супрацоўнікі міліцыі затрымалі актывіста кампаніі супраць ушчыльненьня забудовы ў Першамайскім раёне Менску Віктара Талмачова.

Пра гэта паведаміў сябра «Эўрапэрспэктывы» Віктар Янчурэвіч.

Ён апавёў, што Віктара Талмачова схапілі на на вуліцы Каліноўскага і завезьлі ў Першамайскі РУУС.

Талмачоў раздаваў улёткі пра падрыхтоўку да рэфэрэндуму супраць ушчыльненьня забудовы ў Першамайскім раёне. Ва ўлётках гаворыцца пра ініцыятыўную групу па зборы подпісаў, якую стварылі тутэйшыя жыхары пры падтрымцы актывістаў «Эўрапэрспэктывы». Цяпер вядзецца падрыхтоўка да рэгістрацыі гэтай групы. Ад 2005 году жыхары сталічнага мікрараёну пратэстуюць супраць будаўніцтва дамоў на вуліцах Шугаева і Русіянава.

Пасьля апытаньня актывіста выпусьцілі з пастарунку. Міліцыянты забралі ў яго ўлёткі.
XS
SM
MD
LG