Лінкі ўнівэрсальнага доступу

logo-print

На парлямэнцкіх выбарах у Чэхіі перамаглі левыя


Галасаваньне ў Стражавіцах, паўднёвая Чэхія

Галасаваньне ў Стражавіцах, паўднёвая Чэхія

Левацэнтрысцкая сацыял -дэмакратычная партыя набрала найбольшую колькасьць галасоў на пазачарговых выбарах у парлямэнт Чэхіі - 20,46%.

На другім месцы з 18,65% галасоў - новы пратэстны грамадскі рух АНО ANO мультымільярдэра-папуліста Андрэя Бабіша, на трэцім - камуністычная партыя Чэхіі і Маравіі - 14,91%.

У выніку сацыял-дэмакраты атрымалі ў 200-асабовым парлямэнце 50 месцаў, рух АНО – 47, камуністы – 33 месцы.

Парлямэнцкі бар'ер адолелі таксама правая партыя ТОП-09 на чале з Карлам Шварцэнбэргам (26 месцаў), правая Аб'яднаная грамадзянская партыя (16), радыкальна-папулісцкая партыя «Сьвітанак» (14) і партыя хрысьціянскіх дэмакратаў (14).

З партыяў, што ня трапілі ў парлямэнт, найбліжэй да парлямэнцкага бар'еру падыйшла Партыя зялёных - 3,19%. Зьвяртае на сябе ўвагу няўдача Партыі правоў грамадзянаў цяперашняга прэзыдэнтаў Мілаша Зэмана, якая набрала 1,51% галасоў выбарцаў.
XS
SM
MD
LG