Лінкі ўнівэрсальнага доступу

Ужо сёньня, 19 кастрычніка: 25 гадоў БНФ; вызваленьне Паўла Севярынца


Куплін, 8 верасьня

Куплін, 8 верасьня

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

19 кастрычніка спаўняецца 25 гадоў з дня ўтварэньня БНФ. Юбілей першай дэмакратычнай партыі Беларусі ў Менску будуць адзначаць на трох імпрэзах. У сядзібе Партыі БНФ а 11 гадзіне адбудзецца юбілейнае пасяджэньне Сойму партыі, а 15 гадзіне там жа пройдзе сьвяточны прыём. А 11-й гадзіне ў іншым месцы зьбяруцца сябры аргкамітэту БНФ, якія былі заснавальнікамі арганізацыі роўна 25 гадоў таму. А Кансэрватыўна-хрысьціянская партыя БНФ правядзе сваё сьвяткаваньне ў Менску ўвечары напярэдадні.

Вызваленьне палітвязьня Паўла Севярынца з турмы. Сустаршыня Беларускай Хрысьціянскай Дэмакратыі Павал Севярынец быў прысуджаны да 3 гадоў «хіміі» за ўдзел у падзеях 19 сьнежня 2010 году. Пакараньне адбываў у вёсцы Куплін Пружанскага раёну.

У Варшаве пачынаецца ІІІ фэстываль беларускага кіно Bulbamovie 2013.

У Кіеве пачынаецца міжнародны кінафэстываль «Маладосьць», на якім пакажуць каля 250 дакумэнтальных і мастацкіх фільмаў маладых творцаў кінэматографу.

ГЭТЫ ДЗЕНЬ У ГІСТОРЫІ

1453 — капітуляцыя ангельцаў у Бардо; канец Стогадовай вайны.

1813 — разгром арміі Напалеона ў «Бітве народаў» каля Ляйпцыгу, што прывяло да вызваленьня Нямеччыны і Галяндыі.

1933 — Нямеччына выступае зь Лігі нацый.

1988 — на сходзе ў Чырвоным касьцёле ў Менску створана аргкамітэт Беларускага Народнага Фронту за перабудову «Адраджэньне». Устаноўчы зьезд адбыўся ў Вільні 24-25 чэрвеня 1989 году.

У гэты дзень нарадзіліся:

1890 — Сяргей Палуян, беларускі літаратуразнаўца. Яму прысьвечаныя паэма «Курган» і верш Янкі Купалы «Памяці С. Палуяна», першы і апошні прыжыцьцёвы зборнік твораў «Вянок» Максіма Багдановіча.

1913 — Вінісіюс дзі Марайс, бразыльскі паэт і аўтар песьняў.

У гэты дзень памерлі:

1745 — Джанатан Сьвіфт, англа-ірляндзкі пісьменьнік-сатырык, публіцыст, паэт і грамадзкі дзяяч.

1937 — Язэп Каранеўскі, дзяржаўны дзяяч, пэдагог, публіцыст, другі рэктар БДУ, правадзейны сябра Інбелкульту, ахвяра сталінскіх рэпрэсіяў.

ЦЫТАТЫ НА ПАМЯЦЬ:

«Пішыце коратка і няясна.

Удача ідзе сьледам за вялікім чалавекам.

У Расеі няма дарог — толькі накірункі.

Чужыя глупствы яшчэ нікога не зрабілі разумным».


Напалеон Банапарт
XS
SM
MD
LG