Намесьнік старшыні канцэрну «Белнафтахім» Уладзімер Волкаў застаецца падазроным у атрыманьні хабару, афіцыйнага абвінавачаньня яму яшчэ ня выставілі. Пра гэта паведамілі ў Сьледчым камітэце. Не зьмяніўся і статус бізнэсоўца Аляксея Алексіна, які таксама быў затрыманы паводле справы «Белнафтахіма». Іншых фігурантаў справы «Белнафтахіма» ў Сьледчым камітэце не назвалі.
Пра затрыманьне Аляксея Алексіна стала вядома 11 кастрычніка пасьля словаў Аляксандра Лукашэнкі пра затрыманьне «шлейфу саўдзельнікаў Уладзімера Волкава». Аляксей Алексін у паведамленьнях СК названы заснавальнікам прадпрыемстваў, якія займаюцца пастаўкамі нафты. Незалежныя мэдыі да таго ж шмат напісалі пра тое, што Аляксей Алексін нібыта быў адным з тых, хто працаваў дзеля інтарэсаў алігарха Юрыя Чыжа.
Між тым спачатку ў інтэрнэце распаўсюдзілі памылковыя зьвесткі пра тое, што ў справе Волкава затрыманы Дзьмітрый Алексін, сын Аляксея Алексіна. Ці сапраўды той ніколі не займаўся нафтавым бізнэсам? Маці Дзьмітрыя Алексіна Іна, дырэктарка рэстарану «Сябры», заявіла пра гэта «Свабодзе» 11 кастрычніка:
«Яму колькі гадоў? Якая нафта?! Хто яму даверыць займацца нафтай, калі яму яшчэ толькі будзе 26 гадоў. Тое, што ён здымаўся ў кліпе групы „Цяні-Талкай“ — гэта так, у яго зь імі свае сувязі. А далей што там пішуць... Мы да гэтага ўжо пачынаем прызвычайвацца, але больш вы нас не турбуйце».
Таксама Іна Алексіна ў той размове абвергла зьвесткі, паводле якіх рэстаран і база адпачынку «Сябры» належаць фірме «Трайпл-энэрга» беларускага алігарха Юрыя Чыжа:
«Здаецца, у «Трайпла» заўсёды былі «Бровар», «Лагойск», паводле маіх зьвестак, «Гребешок», але ніяк не «Сябры».
Пра тое, што Дзьмітрый Алексін і ягоная маці Іна Алексіна маюць кожны па 40% акцыяў фірмы «Неанафта», а таксама латвійскага прадпрыемства па вытворчасьці біяпаліва Mamas D і бровару Latgales Alus D, паведаміў шэраг беларускіх крыніцаў, у тым ліку TUT.BY, belbeer.com ды іншыя. Паводле экспэртаў інтэрнэт-рэсурсу «Заўтра тваёй краіны», бізнэсмэн Дзьмітрый Алексін, які прадстаўляе фірму Mamas D , апынуўся на пятым радку ў топ-15 самых пасьпяховых бізнэс-праектаў беларускага капіталу ў краінах Балтыі. Гэта зьвесткі яшчэ красавіка 2013 году.
Латвійскі рэсурс delfi.lv таксама напісаў пра грамадзян Беларусі Дзьмітрыя Алексіна і Іну Алексіну, у якіх аказаліся роўныя долі капіталу фірмы Mamas D, што раней належалі «Неанафце» Юрыя Чыжа. У прыватнасьці, цытуюцца словы спадара Алексіна бізнэс-парталу Nozare.lv пра дзейнасьць прадпрыемства:
«У нас няма нічога агульнага зь якімі-небудзь санкцыямі. Тое, што пішуць у прэсе, — гэта трызьненьне. Нас цікавіць толькі бізнэс, ніякай палітыкі. Мы ўжо некалькі разоў пабывалі на латвійскім прадпрыемстве і бачым вялікія пэрспэктывы разьвіцьця».
Усё ж ці займаюцца Дзьмітрый Алексін і ягоная маці Іна Алексіна нафтавым бізнэсам, ці сапраўды ім належаць па 40% акцыяў «Неанафты» ды яе даччыных фірмаў?
Сёньня, 14 кастрычніка, пагаварыць зь Інай Алексінай на гэтую тэму другім разам карэспандэнту «Свабоды» пакуль не ўдалося. Дзьмітрый Алексін на сувязь з журналістамі таксама не выходзіць.
Варта сказаць, што Mamas D па выніках 2011 году стала адной з самых хуткарослых па абароту кампаній Латвіі. У такой сытуацыі пазбаўляцца курыцы, якая нясе залатыя яйкі, было б нелягічна. Паводле інфармацыі TUT.BY, маці і сын Алексіны кіруюць (ці кіравалі да нядаўніх часоў) базай адпачынку «Сябры», якая таксама ўваходзіць у склад групы кампаніяў «Трайпл».
Паводле рэсурсу belbeer.com, беларускі алігарх Юры Чыж з-за санкцыяў Эўразьвязу мусіў згарнуць бізнэс у Латвіі пад сваім імем ды перадаць актывы фірмы «Неанафта» Дзьмітрыю Алексіну (40% капіталу), Іне Алексінай (таксама 40%) і бізнэсоўцу з Даўгаўпілса Аляксандру Грахоўскаму (20%). Менавіта гэтак Алексіны нібыта сталі саўладальнікамі прадпрыемства па вытворчасьці біяпаліва Mamas D і бровара Latgales Alus D.
Пра затрыманьне Аляксея Алексіна стала вядома 11 кастрычніка пасьля словаў Аляксандра Лукашэнкі пра затрыманьне «шлейфу саўдзельнікаў Уладзімера Волкава». Аляксей Алексін у паведамленьнях СК названы заснавальнікам прадпрыемстваў, якія займаюцца пастаўкамі нафты. Незалежныя мэдыі да таго ж шмат напісалі пра тое, што Аляксей Алексін нібыта быў адным з тых, хто працаваў дзеля інтарэсаў алігарха Юрыя Чыжа.
Між тым спачатку ў інтэрнэце распаўсюдзілі памылковыя зьвесткі пра тое, што ў справе Волкава затрыманы Дзьмітрый Алексін, сын Аляксея Алексіна. Ці сапраўды той ніколі не займаўся нафтавым бізнэсам? Маці Дзьмітрыя Алексіна Іна, дырэктарка рэстарану «Сябры», заявіла пра гэта «Свабодзе» 11 кастрычніка:
Якая нафта?! Хто яму даверыць займацца нафтай, калі яму яшчэ толькі будзе 26 гадоў
Таксама Іна Алексіна ў той размове абвергла зьвесткі, паводле якіх рэстаран і база адпачынку «Сябры» належаць фірме «Трайпл-энэрга» беларускага алігарха Юрыя Чыжа:
«Здаецца, у «Трайпла» заўсёды былі «Бровар», «Лагойск», паводле маіх зьвестак, «Гребешок», але ніяк не «Сябры».
Пра тое, што Дзьмітрый Алексін і ягоная маці Іна Алексіна маюць кожны па 40% акцыяў фірмы «Неанафта», а таксама латвійскага прадпрыемства па вытворчасьці біяпаліва Mamas D і бровару Latgales Alus D, паведаміў шэраг беларускіх крыніцаў, у тым ліку TUT.BY, belbeer.com ды іншыя. Паводле экспэртаў інтэрнэт-рэсурсу «Заўтра тваёй краіны», бізнэсмэн Дзьмітрый Алексін, які прадстаўляе фірму Mamas D , апынуўся на пятым радку ў топ-15 самых пасьпяховых бізнэс-праектаў беларускага капіталу ў краінах Балтыі. Гэта зьвесткі яшчэ красавіка 2013 году.
Латвійскі рэсурс delfi.lv таксама напісаў пра грамадзян Беларусі Дзьмітрыя Алексіна і Іну Алексіну, у якіх аказаліся роўныя долі капіталу фірмы Mamas D, што раней належалі «Неанафце» Юрыя Чыжа. У прыватнасьці, цытуюцца словы спадара Алексіна бізнэс-парталу Nozare.lv пра дзейнасьць прадпрыемства:
«У нас няма нічога агульнага зь якімі-небудзь санкцыямі. Тое, што пішуць у прэсе, — гэта трызьненьне. Нас цікавіць толькі бізнэс, ніякай палітыкі. Мы ўжо некалькі разоў пабывалі на латвійскім прадпрыемстве і бачым вялікія пэрспэктывы разьвіцьця».
Усё ж ці займаюцца Дзьмітрый Алексін і ягоная маці Іна Алексіна нафтавым бізнэсам, ці сапраўды ім належаць па 40% акцыяў «Неанафты» ды яе даччыных фірмаў?
Сёньня, 14 кастрычніка, пагаварыць зь Інай Алексінай на гэтую тэму другім разам карэспандэнту «Свабоды» пакуль не ўдалося. Дзьмітрый Алексін на сувязь з журналістамі таксама не выходзіць.
Варта сказаць, што Mamas D па выніках 2011 году стала адной з самых хуткарослых па абароту кампаній Латвіі. У такой сытуацыі пазбаўляцца курыцы, якая нясе залатыя яйкі, было б нелягічна. Паводле інфармацыі TUT.BY, маці і сын Алексіны кіруюць (ці кіравалі да нядаўніх часоў) базай адпачынку «Сябры», якая таксама ўваходзіць у склад групы кампаніяў «Трайпл».
Паводле рэсурсу belbeer.com, беларускі алігарх Юры Чыж з-за санкцыяў Эўразьвязу мусіў згарнуць бізнэс у Латвіі пад сваім імем ды перадаць актывы фірмы «Неанафта» Дзьмітрыю Алексіну (40% капіталу), Іне Алексінай (таксама 40%) і бізнэсоўцу з Даўгаўпілса Аляксандру Грахоўскаму (20%). Менавіта гэтак Алексіны нібыта сталі саўладальнікамі прадпрыемства па вытворчасьці біяпаліва Mamas D і бровара Latgales Alus D.
