Паводле апытаньняў напярэдадні сёньняшняга галасаваньня, Аліеў значна апярэджвае астатніх 9 кандыдатаў. Кааліцыя апазыцыйных партыяў упершыню аб’ядналася вакол адзінага кандыдата, 61-гадовага гісторыка Джаміля Гесенлі.
Цягам дзесяці гадоў знаходжаньня ва ўладзе Аліева, у Азербайджане адбываўся эканамічны пад’ём, у значнай ступені дзякуючы экспарту нафты і газу ў краіны Эўропы. Але рэжым Аліева абвінавачваюць у карупцыі і непавазе да правоў чалавека, а праваабаронцы кажуць, што ягоных апанэнтаў арыштоўваюць паводле фальшывых абвінавачаньняў цягам выбарчай кампаніі.
Жыхар Баку Іскендэр Керымаў сказаў агенцтву Ройтэрс на адным з выбарчых участкаў у сераду:
«Я галасаваў за прэзыдэнта, бо ён — той чалавек, які забясьпечыў стабільнасьць у рэспубліцы цягам апошніх 10 гадоў свайго кіраваньня, і мы бачым канкрэтныя вынікі яго дзейнасьці. Я думаю, ён будзе напружана працаваць і ў будучыні на карысьць краіны, на карысьць стабільнасьці, міру і дабрабыту».
Праваабаронца Лейла Юнус, дырэктарка бакінскага Інстытуту Міру і Дэмакратыі, казала, што чакае масавых фальсыфікацый на цяперашніх выбарах.
«Найбольш імаверна, што фальсыфікацыі пачнуцца адразу ж пасьля закрыцьця ўчасткаў. Да таго часу будуць гэтак званыя „каруселі“, якія ўжо падрыхтаваныя. Шмат каму зь бюджэтных работнікаў выдалі ўжо запоўненыя бюлетэні і сказалі ім схадзіць закінуць гэтыя бюлетэні і прынесьці назад чыстыя, каб не страціць працу. Рыхтуюцца таксама і іншыя спосабы фальсыфікацый. Выбарчыя пратаколы таксама будуць падробленыя».
На мінулых выбарах пяць гадоў таму Аліева абвясьцілі пераможцам з 90 працэнтамі галасоў. Заходнія назіральнікі асудзілі тыя выбары, заявіўшы што яны не былі ані свабоднымі, ані справядлівымі.
У справаздачы, апублікаванай 8 кастрычніка, напярэдадні галасаваньня, праваабарончая арганізацыя «Міжнародная амністыя» заявіла пра «сьпіраль прыгнёту» з боку азербайджанскіх уладаў, якія запалохваюць і арыштоўваюць сваіх апанэнтаў. Спасылаючыся на аслабленьне незалежных мэдыяў, арышты прыхільнікаў апазыцыі паводле «сфабрыкаваных абвінавачаньняў», арганізацыя ставіць пад сумнеў каштоўнасьць правядзеньня выбараў.
Ільгам Аліеў стаў наступнікам свайго бацькі, Гейдара Аліева, у 2003 годзе. У 2009 ён арганізаваў папраўку да Канстытуцыі, каб адмяніць абмежаваньне на колькасьць прэзыдэнцкіх тэрмінаў. Да таго часу, паводле Канстытуцыі, адна асоба не магла быць прэзыдэнтам больш за два тэрміны.
Цягам дзесяці гадоў знаходжаньня ва ўладзе Аліева, у Азербайджане адбываўся эканамічны пад’ём, у значнай ступені дзякуючы экспарту нафты і газу ў краіны Эўропы. Але рэжым Аліева абвінавачваюць у карупцыі і непавазе да правоў чалавека, а праваабаронцы кажуць, што ягоных апанэнтаў арыштоўваюць паводле фальшывых абвінавачаньняў цягам выбарчай кампаніі.
Жыхар Баку Іскендэр Керымаў сказаў агенцтву Ройтэрс на адным з выбарчых участкаў у сераду:
«Я галасаваў за прэзыдэнта, бо ён — той чалавек, які забясьпечыў стабільнасьць у рэспубліцы цягам апошніх 10 гадоў свайго кіраваньня, і мы бачым канкрэтныя вынікі яго дзейнасьці. Я думаю, ён будзе напружана працаваць і ў будучыні на карысьць краіны, на карысьць стабільнасьці, міру і дабрабыту».
Праваабаронца Лейла Юнус, дырэктарка бакінскага Інстытуту Міру і Дэмакратыі, казала, што чакае масавых фальсыфікацый на цяперашніх выбарах.
«Найбольш імаверна, што фальсыфікацыі пачнуцца адразу ж пасьля закрыцьця ўчасткаў. Да таго часу будуць гэтак званыя „каруселі“, якія ўжо падрыхтаваныя. Шмат каму зь бюджэтных работнікаў выдалі ўжо запоўненыя бюлетэні і сказалі ім схадзіць закінуць гэтыя бюлетэні і прынесьці назад чыстыя, каб не страціць працу. Рыхтуюцца таксама і іншыя спосабы фальсыфікацый. Выбарчыя пратаколы таксама будуць падробленыя».
На мінулых выбарах пяць гадоў таму Аліева абвясьцілі пераможцам з 90 працэнтамі галасоў. Заходнія назіральнікі асудзілі тыя выбары, заявіўшы што яны не былі ані свабоднымі, ані справядлівымі.
У справаздачы, апублікаванай 8 кастрычніка, напярэдадні галасаваньня, праваабарончая арганізацыя «Міжнародная амністыя» заявіла пра «сьпіраль прыгнёту» з боку азербайджанскіх уладаў, якія запалохваюць і арыштоўваюць сваіх апанэнтаў. Спасылаючыся на аслабленьне незалежных мэдыяў, арышты прыхільнікаў апазыцыі паводле «сфабрыкаваных абвінавачаньняў», арганізацыя ставіць пад сумнеў каштоўнасьць правядзеньня выбараў.
Ільгам Аліеў стаў наступнікам свайго бацькі, Гейдара Аліева, у 2003 годзе. У 2009 ён арганізаваў папраўку да Канстытуцыі, каб адмяніць абмежаваньне на колькасьць прэзыдэнцкіх тэрмінаў. Да таго часу, паводле Канстытуцыі, адна асоба не магла быць прэзыдэнтам больш за два тэрміны.
