Лінкі ўнівэрсальнага доступу

Амэрыканская спэцслужба ЦРУ адклікае з адпачынкаў некаторых супрацоўнікаў, як гаворыцца ў заяве, зь меркаваньня нацыянальнай бясьпекі.

Гэтых супрацоўнікаў раней накіравалі ў неаплатныя адпачынкі з прычыны згортваньня дзейнасьці ўраду ЗША.

У пісьмовай заяве дырэктар ЦРУ Джон Брэнан тлумачыць, што гэтыя супрацоўнікі неабходныя для таго, каб спэцслужба выконвала свае асноўныя функцыі: збор разьведдадзеных у замежжы, аналіз, ажыцяўленьне схаваных апэрацыяў і контарвыведка.

Брэнан сказаў, што памяншэньне колькасьці супрацоўніаў ЦРУ можа адбіцца на бясьпецы людзей і захаваньні іхнай уласнасьці.

Бюджэтны крызіс у ЗША


1 кастрычніка Кангрэс ЗША не ўзгадніў праект бюджэту на 2014 год.

Пакуль палаты Кангрэсу не прыйдуць да згоды, 700 тысячаў супрацоўнікаў фэдэральнага ўраду будуць знаходзіцца ў неаплатным адпачынку.

Гэта першы выпадак за апошнія 17 гадоў, калі фэдэральныя ўстановы ЗША вымушаныя зачыніцца, бо Кангрэс не зацьвердзіў праект бюджэту.
XS
SM
MD
LG