Лінкі ўнівэрсальнага доступу

Колькі каштуе закрыцьцё ўраду ЗША?


Многія рэспубліканцы, праўдападобна, сьвяткуюць закрыцьцё ўраду як магчымасьць засьведчыць, што меншыя выдаткі — насамрэч ня так ужо і дрэнна, піша ў рэдакцыйным артыкуле The New York Times.

«Людзі, верагодна, зразумеюць, што яны могуць жыць са значна меншай колькасьцю ўрадоўцаў, чым лічылася неабходным», — заявіла рэспубліканка Марша Блэкбэрн з Тэнэсі на Fox News. Яе аптымістычная пазыцыя дапамагае растлумачыць, чаму многія ў яе партыі ня думаюць пра закрыцьцё ўраду, якому яны давяраюць, і ўсе выступаюць супраць закону аб аховы здароўя.

Тое, што гэтыя заканадаўцы ня кажуць амэрыканцам пра тое, што закрыцьцё ўраду насамрэч абыдзецца вельмі дорага, і рост выдаткаў для падаткаплатнікаў і для эканомікі будзе значна большы, чым рэгулярная праца ўраду. Тыя самыя людзі, якія пабудавалі сваю кар’еру на нараканьні на бюджэтны дэфіцыт, цяпер самі яго і павялічваюць.

Два апошнія аналягічныя закрыцьці ўраду ў 1995 і 1996 гадах на працягу 26 дзён каштавалі бюджэту $ 1,4 млрд. Гэта, на думку Белага дома, эквівалентна 2,1 мільярда даляраў сёньня.

Гэтая сума ўключае заработную плату дзяржаўных служачых, якія не працавалі на працягу 26 дзён. (Кангрэс павінен вырашаць, аплачваць ім гэта ці не, але звычайна прымае станоўчае рашэньне.)

Адкладзеная праца — гэта і страчаныя льготы, і афармленьне пашпартоў, і заяўкі на крэдыт — усё запавольвае працу ўраду і робіць яго менш эфэктыўным, калі праца аднаўляецца.

Пакуль урад закрыты, ён ня можа спаганяць штрафы і зборы... Таксама на эканоміцы адаб’ецца зьніжэньне прадуктыўнасьці працы 800 000 урадоўцаў, якіх адправілі ў адпачынкі, і затрымка заробку больш чым мільёну супрацоўнікаў, якія ўсё яшчэ на працы. У раёнах, дзе шмат дзяржаўных служачых, такіх як Вашынгтон і яго прыгарады ў штатах Мэрылэнд і Вірджынія, адсутнасьць даходу азначае страту розьнічных продажаў і меней страваў у рэстаранах. Падатковыя даходы будуць ніжэйшыя ў многіх штатах і гарадах, такім чынам эканамічная актыўнасьць запаволіцца.

Дасьледчая фірма IHS Іnc. лічыць, што закрыцьцё ўраду будзе каштаваць краіне 300 мільёнаў даляраў за дзень у выглядзе недаатрыманых эканамічных даходаў. Паводле ацэнак аналітычнай кампаніі Moody’s Analytics, закрыцьцё ўраду цягам трох ці чатырох тыдняў скароціць на 1,4 працэнтных пункта паказьнікі эканамічнага росту ў чацьвёртым квартале і павысіць узровень беспрацоўя.

І такая высокая цана зусім не патрэбная. Рэспубліканцы звычайна даводзяць, пры адсутнасьці доказаў, што мэдычны закон пашкодзіць эканоміцы. Але пры гэтым яны ігнаруюць рэальную шкоду ад іх мэтанакіраванага крыжовага паходу супраць гэтага закону, піша ў рэдакцыйным артыкуле The New York Times.

Яшчэ на гэтую тэму

XS
SM
MD
LG