Лінкі ўнівэрсальнага доступу

logo-print

Ужо сёньня, 29 верасьня: 70 гадоў Леху Валэнсу, 55 гадоў Адаму Глобусу


belarus -- writer Adam Hlobus, undated

belarus -- writer Adam Hlobus, undated

Бліц-агляд падзеяў і тэмаў у Беларусі, сьвеце, гісторыі.

ПАДЗЕІ ДНЯ

Сольны канцэрт гурту «Re1ikt» у TNT Rock Club (Менск, Рэвалюцыйная, 9). Пачатак а 21.00.

Парлямэнцкія выбары ў Аўстрыі.

29 верасьня — Сусьветны дзень сэрца.

29 верасьня — Міжнародны дзень глухіх.

ГЭТЫ ДЗЕНЬ У ГІСТОРЫІ

1529 — зацьверджаны першы Статут Вялікага Княства Літоўскага, збор законаў фэадальнага права, помнік беларускага пісьменства і юрыдычнай культуры.


У гэты дзень нарадзіліся:

1547 — Мігель Сэрвантэс, гішпанскі пісьменьнік.

1823 — беларускі і польскі паэт Уладзіслаў Сыракомля.

1943 — заснавальнік польскага прафсаюзу «Салідарнасьць», а пазьней прэзыдэнт Польшчы, ляўрэат Нобэлеўскай прэміі міру Лех Валэнса.

1958 — беларускі пісьменьнік і мастак Адам Глобус. Нарадзіўся ў сям’і пісьменьніка В. Адамчыка. Скончыў пэдагагічнае аддзяленьне Менскага мастацкага вучылішча (1977), Беларускі дзяржаўны тэатральна-мастацкі ўнівэрсытэт (1983). Аўтар кніг, «Парк» (паэзія, 1988), «Адзінота на стадыёне» (зборнік апавяданьняў, 1989), «Сьмерць — мужчына» (1992), «Скрыжаваньне» (1993), «Дамавікамэрон» (1994), «Толькі не гавары маёй маме» (1995), «Койданава» (1997), «Новы дамавікамэрон» (1998), «Post scriptum» (1999), «Браслаўская стыгмата» (2001), «Сшыткі» (2003), «Дом» (2005), «сУчаснікі» (2006).

У гэты дзень памерлі:

1913 — Рудольф Дызэль, нямецкі вынаходнік.

1930 — Ілья Рэпін, расейскі мастак.

ЦЫТАТА НА ПАМЯЦЬ:

«Жыцьцё пражыў, а сьледу не пакінуў,
пайшоў, сышоў, нібыта й не было...
Ні дома з дрэвам, ні дачкі, ні сына
не засталося. Чыста ўсё сплыло...

Нібыта быў разумны і трывушчы,
нібыта жыў, нібыта працаваў...
Але ня шкодзіў, чарапы ня трушчыў —
дзяцей ня біў, людзей не забіваў...

За гэта добрым словам і згадаюць,
успомняць без праклёнаў і кляцьбы.
А не захочуць, хай не ўспамінаюць...
Такі наш сьвет нікчэмны і слабы.»


Адам Глобус, «Сьлед»

Паказаць камэнтары

XS
SM
MD
LG