ПАДЗЕІ ДНЯ
У Нацыянальнай бібліятэцы пачнецца VIII Форум творчай і навуковай інтэлігенцыі дзяржаваў — удзельніц СНД "2013 — Год экалягічнай культуры і аховы навакольнага асяродзьдзя ў дзяржавах СНД". Пачатак у 10.00.
У Міністэрстве замежных справаў — першае пасяджэньне сумеснай беларуска -ўкраінскай камісіі па дэмаркацыі дзяржаўнай мяжы.
У Нацыянальным прэсавым цэнтры — прэсавая канфэрэнцыя «Падрыхтоўка да Чэмпіянату сьвету па хакеі з шайбай 2014» ( міністар спорту і турызму Аляксандр Шамко, старшыня ФХБ Яўген Ворсін і інш.) Пачатак у 10.00.
У офісе цэнтральнага апарату Лібэральна-дэмакратычнай партыі — прэсавая канфэрэнцыя намесьніка старшыні партыі Алега Гайдукевіча. Пачатак у 11.30 .
Працяг беларуска-расейскіх стратэгічных вучэньняў «Захад-2013» і вучэньняў Калектыўных сілаў апэратыўнага рэагаваньня АДКБ " Узаемадзеяньне- 2013″.
Нью-Ёрк, выступ прэзыдэнта ЗША Барака Абамы, прысьвечаны сытуацыі вакол Сырыі, на Генэральнай асамблеі ААН.
ДЗЕНЬ У ГІСТОРЫІ
622 — прарок Мухамэд перасяліўся з Мэкі ў Мэдыну.
768 — Карл Вялікі каранаваны як першы кароль франкаў.
1852 — француз Анры Жыфар зьдзейсьніў першы палёт на дырыжаблі.
У гэты дзень нарадзіліся:
1711 — Антоні Эразм Валовіч, дзяржаўны і рэлігійны дзяяч ВКЛ і Польшчы.
1821 — Цыпрыян Каміль Норвід, польскі паэт.
1893 — Паўліна Мядзёлка, беларуская артыстка, пэдагог, мэмуарыстка.
1896 — Фрэнсіс Скот Фіцджэральд, амэрыканскі пісьменьнік.
1904 — Мар’ян Пецюкевіч, актыўны дзяяч беларускага нацыянальнага руху, першы рэдактар віленскага часопісу «Шлях моладзі».
У гэты дзень памерлі:
1534 — Міхаіл Глінскі, вялікалітоўскі дзяржаўны дзеяч і военачальнік, ў 1508 годзе падняў мяцеж у ВКЛ, пасьля яго няўдачы ўцёк у Маскоўскае княства. Пляменьніца Глінскага Алена — маці расейскага цара Івана Жахлівага.
1621 — Ян Караль Хадкевіч, вялікалітоўскі военачальнік.
2004 — Франсуаза Саган, француская пісьменьніца.
ЦЫТАТА ДНЯ
Дараваньне азначае, што ўсё ўжо скончылася.
Франсуаза Саган
