Лінкі ўнівэрсальнага доступу

logo-print

Нацбола Сахара аштрафавалі на 4 мільёны


Дзяніс Сахар

Дзяніс Сахар

4 верасьня актывіста нацыянал-бальшавісцкага руху Дзяніса Сахара аштрафавалі на 4 мільёны рублёў за непадпарадкаваньне законным патрабаваньням службовай асобы.

Справу ў судзе Менскага раёну разглядаў судзьдзя Андрэй Бяліла.

10 жніўня міліцыянты затрымалі Дзяніса Сахара на спартыўна-палявых зборах, што праводзілі нацболы каля Воўкавіцкага вадасховішча ў Менскім раёне.

Сахару начапілі кайданкі й пырснулі сьлезацечным газам у твар. Разам зь ім з прымяненьнем фізычнай сілы і сьлезацечнага газу былі затрыманыя яшчэ 11 юнакоў. Усіх адвезьлі ў пастарунак у Ждановічах, дзе склалі пратаколы за «расьпіцьцё алькагольных напояў у грамадзкім месцы».

Разгляд справы Дзяніса Сахара двойчы пераносіўся праз тое, што сьведкі своечасова не зьяўляліся ў суд.

Адвакат Дзяніса Сахара настойваў на апытаньні міліцыянтаў, бо ў іхніх паказаньнях багата працэсуальных супярэчнасьцяў.

Суд узяў на сябе абавязаньне знайсьці сьведак і запрасіць іх на судовае паседжаньне 4 верасьня, аднак у выніку прызнаў актывіста вінаватым і пакараў яго штрафам на 40 базавых велічыняў.
XS
SM
MD
LG