2 верасьня аднавілася здабыча калійнай солі на другім рудніку «Беларуськалія», які тыдзень прастойваў з прычыны канфлікту паміж аб’яднаньнем і расейскім «Уралкаліем».
«Запускаем наш руднік. Цяпер працуюць толькі трэці руднік і мы запускаемся, а першы і чацьвёрты стаяць», — паведаміла ў сярэдзіне дня дыспэтчар 2-га рудніка.
Апоўдні 31 жніўня, калі я пад’ехаў да прахадной 2-га рудніка, што за некалькі кілямэтраў ад Салігорску, там стаяла суцэльная ціша. Толькі некалькі мужчын сядзелі на аўтобусным прыпынку, чакаючы транспарту ў горад. Працаўнікі рудніка ад інтэрвію адмовіліся, сказаўшы толькі, што сваё аддзяжурылі. У горадзе я сустрэў супрацоўніка «Беларуськалія» Ўлада, які прасіў не называць ягонага прозьвішча, хоць і не збаяўся выказацца на дыктафон пра канфлікт з «Уралкаліем». Паводле Ўлада, вінаватыя ў канфлікце абодва бакі і «трэба разам шукаць згоды». Што да арышту гендырэктара «Ўралкалія» Ўладзіслава Баўмгертнэра, тут мой суразмоўца быў больш катэгарычны:
«Непрыгожа атрымалася. Цалкам згодны, што гэта недакладна было зроблена. Чалавек прыехаў на запрашэньне дзяржавы, а яго ўзялі і арыштавалі. Гэтак рабіць было нельга, я з гэтым нязгодны».
А як успрынялі арышт Уладзіслава Баўмгертнэра Ўладавы калегі па працы? Паводле працаўніка, меркаваньні калегаў падзяліліся прыкладна напалову:
«Ня згодны з тым, што ўсе ўхваляюць ягоны арышт, як і з тым, што ўсе асуджаюць. 50 на 50. Калі вінаваты, то чаму б і не затрымаць? Але хто ж ведае? Я, прыкладам, ня ведаю. Тое, што нашы мэдыі пра гэта кажуць — дык там толькі, магчыма, 30% праўды можа быць. Усё накручваюць ды накручваюць».
Паводле майго суразмоўцы, на мінулым тыдні ён адпачываў і таму атрымае дзьве траціны заробку. «Пацярплю. На прадпрыемстве бывалі часы і больш складаныя, чым цяпер», — сказаў пра падзеньне заробкаў Улад.
Былы шахцёр, цяпер пэнсіянэр Валер Гарбацэвіч застаецца сябрам Незалежнага прафсаюзу гарнякоў, які ў 1990-х гадах узначальваў. Валер Гарбацэвіч таксама ня думае, што цяперашнія шахцёры пойдуць на акцыі пратэсту ў сувязі са скарачэньнем заробкаў. Што да неабходнасьці вызваленьня Ўладзіслава Баўмгертнэра, тут актывіст ня бачыць варыянтаў:
«Гэтак у сьвеце ня робяць. Калі на запрашэньне прэм’ера прыяжджаюць высокія асобы, іх не арыштоўваюць нідзе. Трэба адпускаць чалавека туды, адкуль ён прыехаў».
Разьвязаць канфлікт паміж «Беларуськаліем» і «Ўралкаліем» павінны эканамісты і юрысты, мяркуе Валер Гарбацэвіч. Спадар Гарбацэвіч лічыць, што «Беларуськалію» па сілах дзейнічаць на сусьветным рынку калійных угнаеньняў і без «Уралкалія».
Супрацоўнік 1-га рудніка, былы шахцёр Аляксандар Бобін таксама мяркуе, што Ўладзіслава Баўмгертнэра трэба тэрмінова вызваляць:
«Як гэта можна чалавека пасадзіць, калі ён яшчэ невінаваты? Спачатку ж трэба даказаць, а тут узялі і пасадзілі. Прэзумпцыя невінаватасьці спачатку. Мы ўсе людзі і разумеем, што цяпер зь яго, можа, выбіваюць паказаньні. Там жа свая сыстэма».
Працаўнікі рудніка працягваюць абмяркоўваюць затрыманьне Баўмгертнэра, якое адбылося тыдзень таму, паведаміў «Свабодзе» Аляксандар Бобін:
«Усім не спадабалася таксама, што гэтак падставілі Мясьніковіча. Яшчэ
адзначаюць, што арыштавалі грамадзяніна іншай дзяржавы. Жартуюць, што цяпер Лукашэнка будзе баяцца езьдзіць туды, у Расею. Бо і яго гэтаксама могуць «закрыць».
1 жніўня ў інтэрвію тэлеканалу «Беларусь 1» генэральны дырэктар ААТ «Беларуськалій» Валеры Кірыенка заявіў, што бліжэйшым часам ЗАТ «Беларуская калійная кампанія» з чыста беларускім капіталам зможа стаць лідэрам сярод трэйдэраў на рынку, «Для нас гандаль калійнымі ўгнаеньнямі — гэта ня новае, у нас ёсьць прафэсіяналы. Я ўпэўнены, што ў бліжэйшы час мы зможам забясьпечыць сябе тымі аб’ёмамі, якія неабходныя, і, акрамя таго, стварыць Беларускую калійную кампанію, ужо чыста беларускую, з нашым капіталам, для таго каб яна была лідэрам сярод трэйдэраў на рынку», — падкрэсьліў Валеры Кірыенка.
Пры гэтым на мінулым тыдні стала вядома, што будынак БКК у Менску ўрад пастанавіў перадаць Банку разьвіцьця за 416 мільярдаў рублёў.
«Запускаем наш руднік. Цяпер працуюць толькі трэці руднік і мы запускаемся, а першы і чацьвёрты стаяць», — паведаміла ў сярэдзіне дня дыспэтчар 2-га рудніка.
Апоўдні 31 жніўня, калі я пад’ехаў да прахадной 2-га рудніка, што за некалькі кілямэтраў ад Салігорску, там стаяла суцэльная ціша. Толькі некалькі мужчын сядзелі на аўтобусным прыпынку, чакаючы транспарту ў горад. Працаўнікі рудніка ад інтэрвію адмовіліся, сказаўшы толькі, што сваё аддзяжурылі. У горадзе я сустрэў супрацоўніка «Беларуськалія» Ўлада, які прасіў не называць ягонага прозьвішча, хоць і не збаяўся выказацца на дыктафон пра канфлікт з «Уралкаліем». Паводле Ўлада, вінаватыя ў канфлікце абодва бакі і «трэба разам шукаць згоды». Што да арышту гендырэктара «Ўралкалія» Ўладзіслава Баўмгертнэра, тут мой суразмоўца быў больш катэгарычны:
«Непрыгожа атрымалася. Цалкам згодны, што гэта недакладна было зроблена. Чалавек прыехаў на запрашэньне дзяржавы, а яго ўзялі і арыштавалі. Гэтак рабіць было нельга, я з гэтым нязгодны».
А як успрынялі арышт Уладзіслава Баўмгертнэра Ўладавы калегі па працы? Паводле працаўніка, меркаваньні калегаў падзяліліся прыкладна напалову:
«Ня згодны з тым, што ўсе ўхваляюць ягоны арышт, як і з тым, што ўсе асуджаюць. 50 на 50. Калі вінаваты, то чаму б і не затрымаць? Але хто ж ведае? Я, прыкладам, ня ведаю. Тое, што нашы мэдыі пра гэта кажуць — дык там толькі, магчыма, 30% праўды можа быць. Усё накручваюць ды накручваюць».
Паводле майго суразмоўцы, на мінулым тыдні ён адпачываў і таму атрымае дзьве траціны заробку. «Пацярплю. На прадпрыемстве бывалі часы і больш складаныя, чым цяпер», — сказаў пра падзеньне заробкаў Улад.
Былы шахцёр, цяпер пэнсіянэр Валер Гарбацэвіч застаецца сябрам Незалежнага прафсаюзу гарнякоў, які ў 1990-х гадах узначальваў. Валер Гарбацэвіч таксама ня думае, што цяперашнія шахцёры пойдуць на акцыі пратэсту ў сувязі са скарачэньнем заробкаў. Што да неабходнасьці вызваленьня Ўладзіслава Баўмгертнэра, тут актывіст ня бачыць варыянтаў:
«Гэтак у сьвеце ня робяць. Калі на запрашэньне прэм’ера прыяжджаюць высокія асобы, іх не арыштоўваюць нідзе. Трэба адпускаць чалавека туды, адкуль ён прыехаў».
Разьвязаць канфлікт паміж «Беларуськаліем» і «Ўралкаліем» павінны эканамісты і юрысты, мяркуе Валер Гарбацэвіч. Спадар Гарбацэвіч лічыць, што «Беларуськалію» па сілах дзейнічаць на сусьветным рынку калійных угнаеньняў і без «Уралкалія».
Супрацоўнік 1-га рудніка, былы шахцёр Аляксандар Бобін таксама мяркуе, што Ўладзіслава Баўмгертнэра трэба тэрмінова вызваляць:
«Як гэта можна чалавека пасадзіць, калі ён яшчэ невінаваты? Спачатку ж трэба даказаць, а тут узялі і пасадзілі. Прэзумпцыя невінаватасьці спачатку. Мы ўсе людзі і разумеем, што цяпер зь яго, можа, выбіваюць паказаньні. Там жа свая сыстэма».
Працаўнікі рудніка працягваюць абмяркоўваюць затрыманьне Баўмгертнэра, якое адбылося тыдзень таму, паведаміў «Свабодзе» Аляксандар Бобін:
«Усім не спадабалася таксама, што гэтак падставілі Мясьніковіча. Яшчэ
Усім не спадабалася таксама, што гэтак падставілі Мясьніковіча
1 жніўня ў інтэрвію тэлеканалу «Беларусь 1» генэральны дырэктар ААТ «Беларуськалій» Валеры Кірыенка заявіў, што бліжэйшым часам ЗАТ «Беларуская калійная кампанія» з чыста беларускім капіталам зможа стаць лідэрам сярод трэйдэраў на рынку, «Для нас гандаль калійнымі ўгнаеньнямі — гэта ня новае, у нас ёсьць прафэсіяналы. Я ўпэўнены, што ў бліжэйшы час мы зможам забясьпечыць сябе тымі аб’ёмамі, якія неабходныя, і, акрамя таго, стварыць Беларускую калійную кампанію, ужо чыста беларускую, з нашым капіталам, для таго каб яна была лідэрам сярод трэйдэраў на рынку», — падкрэсьліў Валеры Кірыенка.
Пры гэтым на мінулым тыдні стала вядома, што будынак БКК у Менску ўрад пастанавіў перадаць Банку разьвіцьця за 416 мільярдаў рублёў.
