Дзяржсакратар ЗША Джон Кэры заявіў пра існаваньне «неабвержных» доказаў прымяненьня хімічнай зброі ў Сырыі.
Вялікая Брытанія таксама распрацоўвае пляны магчымай ваеннай акцыі ў Сырыі. Прэм’ер-міністар Вялікай Брытаніі Дэвід Кэмэран перапыніў свой адпачынак і вярнуўся ў Лёндан у сувязі з разьвіцьцём падзеяў у Сырыі.
Міністар замежных спраў Італіі Эма Баніна заявіла, што любое нанясеньне ўдару па Сырыі ў сувязі зь меркаваным ужываньнем Дамаскам хімічнай зброі супраць мірных жыхароў павінна быць санкцыянаванае Радай Бясьпекі ААН.
Кіраўнік МЗС Сырыі Вахід Муалем заявіў, што ваеннае ўмяшаньне ў канфлікт у Сырыі з боку краінаў Захаду будзе ў інтарэсах паўстанцкіх груповак, зьвязаных з «Аль-Каідай». Ён адзначыў, што Дамаск працягне ваенныя дзеяньні супраць паўстанцаў, нягледзячы на патэнцыйную пагрозу замежнага ўварваньня.
Раней паведамлялася, што экспэрты ААН па хімічнай зброі адклалі да серады працу ў раёне меркаванай хімічнай атакі ў прыгарадзе Дамаску 21 жніўня.
Вялікая Брытанія таксама распрацоўвае пляны магчымай ваеннай акцыі ў Сырыі. Прэм’ер-міністар Вялікай Брытаніі Дэвід Кэмэран перапыніў свой адпачынак і вярнуўся ў Лёндан у сувязі з разьвіцьцём падзеяў у Сырыі.
Міністар замежных спраў Італіі Эма Баніна заявіла, што любое нанясеньне ўдару па Сырыі ў сувязі зь меркаваным ужываньнем Дамаскам хімічнай зброі супраць мірных жыхароў павінна быць санкцыянаванае Радай Бясьпекі ААН.
Кіраўнік МЗС Сырыі Вахід Муалем заявіў, што ваеннае ўмяшаньне ў канфлікт у Сырыі з боку краінаў Захаду будзе ў інтарэсах паўстанцкіх груповак, зьвязаных з «Аль-Каідай». Ён адзначыў, што Дамаск працягне ваенныя дзеяньні супраць паўстанцаў, нягледзячы на патэнцыйную пагрозу замежнага ўварваньня.
Раней паведамлялася, што экспэрты ААН па хімічнай зброі адклалі да серады працу ў раёне меркаванай хімічнай атакі ў прыгарадзе Дамаску 21 жніўня.
