Лінкі ўнівэрсальнага доступу

Сьледчы камітэт: Баумгертнэр скраў 100 мільёнаў даляраў


Уладзіслаў Баўмгертнэр

Уладзіслаў Баўмгертнэр

Сьледчы камітэт Беларусі ацаніў шкоду ад дзеяньняў Баумгертнэра і ягоных паплечнікаў у рамках Беларускай калійнай кампаніі. Камітэт разглядае пытаньне пра магчымасьць прыняцьця рашэньня аб арышце маёмасьці і актываў «Уралкалія».

Пра гэта паведаміў начальнік аддзела інфармацыі і сувязяў з грамадзкасьцю СК Павал Траулька:

«Па меры ацэнкі атрыманых дакумэнтаў сьледзтвам будзе прынятае рашэньне аб арышце маёмасьці і актываў кампаніі «Ўралкалій», у тым ліку і за мяжой. Памер крадзяжу і шкоды, ва ўчыненьні якіх падазраюцца службовыя асобы"Ўралкалія", у дачыненьні да якіх распачатая крымінальная справа, складае каля 100 мільёнаў даляраў. Акрамя таго, будзе прызначаная і праведзеная рэвізія фінансава-эканамічнай дзейнасьці Беларускай калійнай кампаніі", заявіў Траулька агенцтву Інтэрфакс.


«Уралкалій» абвяргае Траульку


Кампанія «Ўралкалій» выступіла з кароткай заявай з нагоды арышту ў Менску яе гендырэктара Ўладзіслава Баўмгертнэра:

«ААТ „Уралкалій“ пацьвярджае, што 26 жніўня 2013 гендырэктар і сябра рады дырэктараў ААТ „Уралкалій“ Уладзіслаў Баўмгертнэр быў затрыманы ў Менску (Беларусь) у рамках сьледчых захадаў, якія праводзяцца беларускімі ўладамі.

Кампанія абвяргае заявы аб неправамерных дзеяньнях з боку спадара Баўмгертнэра або мэнэджмэнту ААТ „Уралкалій“».

Паказаць камэнтары

XS
SM
MD
LG