Лінкі ўнівэрсальнага доступу

Расейскі ўрад назваў арышт Баўмгертнэра «неадэкватным»


Ігар Шувалаў
Ігар Шувалаў
Першы віцэ-прэм’ер Ігар Шувалаў назваў недапушчальнымі дзеяньні беларускіх праваахоўных органаў, якія затрымалі ў Менску кіраўніка «Ўралкалія» Ўладзіслава Баўмгертнэра пасьля ягонай сустрэчы з кіраўніком ураду Беларусі.

«Тое, што адбылося сёньня, ня ўлазіць ні ў якія рамкі. Мы лічым, што гэта вельмі дзіўная сытуацыя, маючы на ўвазе характар нашых узаемаадносін», — сказаў Шувалаў у панядзелак журналістам.

Як падкрэсьліў першы віцэ-прэм’ер, «гэта, вядома, вельмі дзіўна, неадэкватна і не па-партнэрску».

Шувалаў паведаміў, што далажыў пра гэтую сытуацыю прэм’еру РФ Дзьмітрыю Мядзведзеву, і той даў на гэты конт «усе неабходныя ўказаньні»:

«Працуюць усе зацікаўленыя ведамствы, у тым ліку МЗС Расеі», — адзначыў першы віцэ-прэм’ер ураду Расеі.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG