Лінкі ўнівэрсальнага доступу

Ужо сёньня 25 жніўня: 60 гадоў Уладзімеру Арлову; Дзень незалежнасьці Беларусі.


60 гадоў Уладзімеру Арлову;

60 гадоў Уладзімеру Арлову;

Падзеі і даты 25 жніўня у Беларусі і сьвеце.

ПАДЗЕІ ДНЯ

У музэйным комплексе «Дудуткі» ў вёсцы Пціч Пухавіцкага раёну фэст «Млын». У праграме фэсту, сярод іншага, майстар клас па беларускай народнай кухні з дэгустацыяй ад Алеся Белага і сольны канцэрт гурту «Крамбамбуля».


ДЗЕНЬ У ГІСТОРЫІ

1840 — расейскі царскі ўрад скасаваў дзеяньне ў Беларусі Статуту Вялікага Княства Літоўскага 1588 году. На зьмену традыцыйнаму беларускаму праву былі ўведзеныя законы Расейскай імпэрыі.

1990 — Вярхоўны Савет Абхазіі абвясціў незалежнасьць Абхазіі ад Грузіі.

1991 — Дэклярацыі аб сувэрэнітэце Беларусі нададзеная сіла канстытуцыйнага закону. Прыпынена дзейнасць КПБ.



У гэты дзень нарадзіліся:

1530 — Іван IV, маскоўскі цар.

1744 — Ёган Готфрыд Гердэр, нямецкі філёзаф.

1780 — Ігнат Анацэвіч, гісторык і пэдагог, прафэсар Віленскага ўнівэрсытэту.

1912 — Эрых Хонэкер, кіраўнік ГДР.

1930 — Шон Конэры, шатландзкі актор.


Рэклямны ролік з удзелам Шона Конэры


1932 — Пятрусь Макаль, беларускі пісьменьнік.

1949 — Яўгенія Мальчэўская, беларуская паэтка.

1953 — Уладзімер Арлоў, беларускі пісьменьнік.


У гэты дзень памерлі:


1680 — Сімяон Полацкі, паэт і асьветнік, рэлігійны дзяяч, ераманах ордэну базыльянаў (нар. 1629).

1822 — Уільям Гершэль, нямецкі і брытанскі астраном і музыка.

1867 — Майкл Фарадэй, брытанскі фізык і хімік.

1900 — Фрыдрых Ніцшэ, нямецкі пісьменьнік і філёзаф.

1908 — Анры Бэкэрэль, францускі фізык.

1934 — Нестар Махно, кіраўнік сялянскага паўстанскага руху ва Ўкраіне і анархіст. Пахаваны ў Парыжы на могілках Пэр-Ляшэз.




1991 — Вацлаў Пануцэвіч, беларускі гісторык, настаўнік, дзяяч беларускай эміграцыі.


ЦЫТАТА ДНЯ

«Нам кажуць: вы асуджаныя, бо ніхто не разумее вас.
Але мёртвыя маўчаць на нашай мове.
Але ненароджаныя маўчаць на ёй.
Нам кажуць: вас мала, а таму не чакайце літасьці.
Але з намі нашы мёртвыя.
Але з намі ненароджаныя.
Не чакайце літасьці — чуем мы дзень у дзень.
Але тыя, што прарочаць нам скон, ужо чуюць: жывыя таксама маўчаць на нашай мове».

Уладзімер Арлоў, «Асуджаныя» (з кнігі «Там, за дзьвярыма», 1991)

Паказаць камэнтары

XS
SM
MD
LG