Лінкі ўнівэрсальнага доступу

Ужо сёньня, 24 жніўня: «Das Fest» у Менску, «Вольнае паветра» ў Малым Запрудзьдзі, «Metal Crowd» у Рэчыцы


Хорхэ Луіс Борхес

Хорхэ Луіс Борхес

Бліц-агляд падзеяў і датаў у Беларусі, сьвеце, гісторыі.

ПАДЗЕІ ДНЯ

У Менску на пляцоўцы каля Палацу спорту пройдзе агульнагарадзкі кірмаш «Прывітаньне, школа-2013!».

У Менску ў парку забаў Dreamland адбудзецца фэстываль нямецкай музыкі «Das Fest».

На хутары «Шаблі» ў Малым Запрудзьдзі Валожынскага раёну музычны фэстываль «Вольнае паветра».

У Лепелі кулінарна-музычны фэстываль «Лепельскія кулінары».

У Рэчыцы пачынаецца двухдзённы міжнародны фэстываль цяжкой музыкі Metal Crowd Festival 2013.

ДЗЕНЬ У ГІСТОРЫІ

79 — першае зафіксаванае ў крыніцах вывяржэньне вулькану Вэзувій зьнішчыла гарады Пампэі і Геркулянум.

410 — вэстготы на чале з Аларыхам рабуюць Рым.

1791 — у Брытаніі прыняты Канстытуцыйны Акт, які падзяліў Канаду на дзьве часткі са сваімі губэрнатарамі і сваімі ўласнымі законамі.

1913 — у Капэнгагене адкрытая для прагляду статуя русалачкі.

1949 — набыў моц Паўночна-Атлянтычны пакт (НАТО).

1989 — Тадэвуш Мазавецкі стаў першым некамуністычным прэм’ер-міністрам пасьляваеннай Польшчы.

1991 — Украіна абвясьціла незалежнасьць.

1991 — Міхаіл Гарбачоў пакінуў пасаду генэральнага сакратара ЦК КПСС.

У гэты дзень нарадзіліся:

1879 — Іван Пуліхаў, беларускі рэвалюцыянэр.

1896 — Янка Чарапук, беларускі грамадзка-палітычны дзеяч.

1899 — Хорхэ Луіс Борхэс, аргентынскі пісьменьнік.

1906 — Юльян Саковіч, дзяяч нацыянальна-вызваленчага руху, актывіст Таварыства Беларускай Школы і Камуністычнай партыі Заходняй Беларусі, Беларускай Народнай Самапомачы, сябар ЦК Беларускай Незалежніцкай партыі.

1929 — Ясір Арафат, лідэр Палестыны.

У гэты дзень памерлі:

1990 — Сяргей Даўлатаў, расейскі пісьменьнік.

1999 — Аляксей Гардзіцкі, беларускі літаратуразнаўца.

ЦЫТАТЫ ДНЯ

«Гісторый усяго чатыры. І колькі б часу нам ні засталося, мы будзем пераказваць іх — у тым ці іншым выглядзе».

«Кожны па-свойму ўяўляе рай, мне ён зь дзіцячых гадоў уяўляўся бібліятэкай».

«Паэзія — гэта змова людзей добрай волі з мэтай праславіць сьвет».


Хорхэ Луіс Борхэс
XS
SM
MD
LG