Лябедзьку затрымалі ў Бабруйску

У Бабруйск Лябедзька прыехаў для ўдзелу ў круглым стале па праблемах адукацыі.

Таксама афіцэры міліцыі прапанавалі прайсьці ў пастарунак для высьвятленьня асобы старшыні Бабруйскай гарадзкой арганізацыі АГП Віктару Бузінаеву.

Гэта адбылося каля прахадной ААТ «Белшына», дзе яны гутарылі з рабочымі. Як паведамляе сайт ucpb.org, затрыманьне праводзілі маёр Радзько і падпалкоўнік Тарасевіч.

А 17:15 Анатоля Лябедзьку і Віктара Бузінаева даставілі ў мясцовае аддзяленьне міліцыі. Ад паловы на шостую сувязі зь імі няма.