Лінкі ўнівэрсальнага доступу

Справа Белкаапсаюзу: стратаў на 700 мільёнаў рублёў


Старшыня Белкаапсаюзу Сяргей Сідзько

Старшыня Белкаапсаюзу Сяргей Сідзько

У КДБ паведамілі некаторыя падрабязнасьці крымінальнай справы супроць кіраўнікоў Белкаапсаюзу.

14 жніўня сталі вядомыя некаторыя падрабязнасьці справы супроць кіраўнікоў Белкаапсаюзу, якую распачалі сьледчыя КДБ у канцы ліпеня. Тады стала вядома пра затрыманьні шэрагу начальнікаў Белкаапсаюзу, у тым ліку старшыні Сяргея Сідзько, якія нібыта атрымлівалі вялікія хабары. У першых паведамленьнях фігуравалі сумы да 500 тысяч даляраў. Кіраўнік прэсавай службы КДБ Павал Стрэх паведаміў падрабязнасьці пра аднаго з затрыманых — былога начальніка ўправы капітальнага будаўніцтва Белкаапсаюзу Дзьмітрыя Калодзезнага.

«Калодзезны, калі быў начальнікам управы капітальнага будаўніцтва Белкаапсаюзу, падчас рэалізацыі праекту па будоўлі крамы ў Лідзе на вуліцы Тухачэўскага дзейнічаў у інтарэсах камэрцыйных структур, наўмысна злоўжываючы сваім службовым становішчам. У выніку Белкаапсаюзу нанесеныя страты на суму каля 700 мільёнаў рублёў».

Але ці мае да гэтага эпізоду дачыненьне былы старшыня Белкаапсаюзу Сяргей Сідзько? Артур Стрэх на гэта адказвае:

«У дадзены момант КДБ праводзіць сьледчыя дзеяньні па выяўленьні датычнасьці да дзейнасьці Калодзезнага іншых кіраўнікоў Белкаапсаюзу».

Паводле Артура Стрэха, затрыманыя кіраўнікі Белкаапсаюзу і прадстаўнікі камэрцыйных структур, якія таксама праходзяць па гэтай справе ў якасьці падазроных, знаходзяцца пад вартай у СІЗА КДБ — так званай «амэрыканцы».

Паказаць камэнтары

XS
SM
MD
LG