Лінкі ўнівэрсальнага доступу

Меркаваны прадзюсэр «Нявіннасьці мусульман» рыхтуецца да вызваленьня


Марка Басілі Юсэфа вядуць на допыт. Верасень 2012
Марка Басілі Юсэфа вядуць на допыт. Верасень 2012

Меркаваны прадзюсэр скандальнага фільму «Нявіннасьць мусульман», які выклікаў год таму масавыя акцыі пратэсту ў арабскіх краінах, быў пераведзены з фэдэральнай турмы ў Каліфорніі ў рэабілітацыйны цэнтар, дзе будзе адбываць апошні месяц свайго пакараньня, паведамляе агенцтва Reuters. Рэабілітацыйны цэнтар прызначаны для сацыяльнай адаптацыі зьняволеных да іх поўнага вызваленьня з-пад варты.

Ураджэнца Эгіпту Марка Басілі Юсэфа, паводле веравызнаньня — хрысьціяніна-копта, называюць адным са стваральнікаў стужкі «Нявіннасьць мусульман», у якім прарок Мухамад выстаўлены ў непрывабным сьвятле. У верасьні летась пасьля зьяўленьня ў інтэрнэце трэйлера гэтага фільму ў шэрагу мусульманскіх краінаў прайшлі масавыя акцыі пратэсту.

Найбольшага напалу пратэсты супраць стужкі летась увосень дасягнулі ў Эгіпце і Емэне, выступленьні былі адзначаны таксама ў Судане, Тунісе, Пакістане, Бангладэш і іншых краінах. У горадзе Бэнгазі на ўсходзе Лібіі радыкальна настроеныя ўдзельнікі пратэстаў штурмавалі консульства ЗША, пры гэтым загінулі чатыры чалавекі, у тым ліку амэрыканскі пасол. Гэты фільм быў прызнаны экстрэмісцкім і забаронены ў шэрагу краінаў.

У лістападзе 2012 года суд у Лос Анджэлесе прысудзіў Юсэфа да года турэмнага зьняволеньня за неаднаразовыя парушэньні правілаў умоўнага пакараньня па справе аб банкаўскім махлярстве. Паводле дадзеных абвінавачаньня, Юсэф парушаў умовы прынамсі восем разоў, у тым ліку хлусіў наглядным органам і насуперак забароне выкарыстаў псэўданімы.

Тэрмін пазбаўленьня волі Юсэфа заканчваецца 26 верасьня.
Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG