Лінкі ўнівэрсальнага доступу

У Менску ўшанавалі памяць Якуба Коласа


Магіла Якуба Коласа на вайсковых могілках

Магіла Якуба Коласа на вайсковых могілках

На магілу Якуба Коласа, што знаходзіцца на Вайсковых могілках Менску, з нагоды 57-й гадавіны сьмерці паэта ўсклалі кветкі.

Каля трыццаці чалавек прыйшлі 12 жніўня пад вечар на магілу народнага паэта Якуба Коласа, аўтара паэтычных шэдэўраў «Новая зямля» і «Сымон-музыка», знакамітых палескіх аповесьцяў, «Казак жыцьця», апавяданьняў і вершаў, якія сталі нацыянальнай клясыкай.

Кветкі на магілу песьняра ўсклалі празаікі і паэты, грамадзкія дзеячы, прадстаўнікі сям’і Якуба Коласа, навукоўцы і супрацоўнікі сталічных музэяў.

Пад час памінальнага мітынгу дырэктар Дзяржаўнага літаратурна-мэмарыяльнага музэя Якуба Коласа Зінаіда Камароўская нагадала, што сёлета споўнілася 90 гадоў выхаду ў сьвет паэмы «Новая зямля»:

«Яна па сёньняшні дзень гучыць і цікавая ўсім, не аднаму пакаленьню. Гэтую паэму параўноўваюць з сусьветнымі шэдэўрамі».

«Прыходзячы сюды, мы прыходзім ня толькі пакланіцца Коласу, — зазначыў паэт Навум Гальпяровіч. — Мы прыходзім казаць пра тое, што ён прысьвяціў сваё жыцьцё нашай роднай культуры, нашай роднай мове і ўсяму таму, што вызначае сёньня Беларусь і беларусаў у сьвеце. Якуб Колас даў нашай мове новае высокае гучаньне. Яго творы навучылі нас любіць роднае слова, бачыць усю яго сакавітасьць і яркасьць. Мы хочам быць вернымі гэтаму запавету — любіць родную мову і размаўляць на ёй. І гэта тычыцца ня толькі пісьменьнікаў, але і кожнага культурнага чалавека. Любіць свой край — гэта значыць любіць родную мову. І мы даём справаздачу аб тым, што мы нясём гэтае слова, выкарыстоўваем яго і будзем яму верныя».


Навум Гальпяровіч, відэа БелаПАН:


Анатоль Бутэвіч:
XS
SM
MD
LG