Лінкі ўнівэрсальнага доступу

На месцы расстрэлу Чаўшэску адкрыюць музэй


Магіла, дзе былі пахаваныя Чаўшэску, пазьней адкрывалася для дадатковай праверкі.

Магіла, дзе былі пахаваныя Чаўшэску, пазьней адкрывалася для дадатковай праверкі.

Аднаўляецца ваенная база, дзе скончылася жыцьцё румынскага камуністычнага дыктатара Мікалае Чаўшэску і яго жонкі Алены.

Румынскія СМІ паведамілі ў суботу, што ўлады вырашылі адкрыць базу Тыргавіштэ на поўдні Румыніі, пасля таго, як значна вырасла цікавасць замежных турыстаў да месца пакараньня дыктатара ў 1989 годзе. Плянуецца, што тут 1 верасьня адкрыецца музэй “зрынутага палітычнага ладу”. У экспазыцыі можна будзе пабачыць сьцяну, ля якой адбылося пакараньне, пакой камандзіра часьці, дзе адбыўся суд або спальню, дзе сужэнцы правялі апошнюю ноч.

Чаўшэску і яго жонка ўцяклі з Бухарэста на верталёце 22 сьнежня 1989 году, калі разгневаны натоўп штурмаваў штаб-кватэру камуністычнай партыі. Неўзабаве яны былі затрыманыя вайскоўцамі і 25 сьнежня, пасьля паспешліва арганізаванага ваеннага суду, расстраляныя. Чаўшэску быў генэральнымым сакратаром Румынскай кампартыі з 1965 году, а з 1974 –га першым прэзыдэнтам краіны.

Паказаць камэнтары

XS
SM
MD
LG