Лінкі ўнівэрсальнага доступу

ЗША тэрмінова адклікаюць сваіх грамадзянаў з Емэну


Дзярждэпартамэнт ЗША загадаў усяму дапаможнаму дыпляматычнаму пэрсаналу ў Емэне тэрмінова пакінуць краіну. Усім звычайным грамадзянам ЗША, якія знаходзяцца ў гэтай краіне, рэкамэндавана тэрмінова пакінуць яе.

Папярэджаньне зробленае на фоне падвышаных мераў бясьпекі ў рэгіёне адносна магчымых тэрарыстычных нападаў і закрыцьця амаль двух дзясяткаў амэрыканскіх дыпляматычных місій па ўсім Блізкім Усходзе і ў Афрыцы.

Вялікабрытанія, Францыя, Нямеччына і Нарвэгія таксама закрылі некаторыя са сваіх амбасадаў у рэгіёне. Рашэньне аб закрыцьці амбасадаў было прынятае пасьля перахопу паведамленьняў лідэра аль-Кайды Аймана аль-Завахіры аб тым, што Емэн зьяўляецца наступнай мэтай атакі на амэрыканцаў.

Паведамляецца, што сёньня на ўсходзе Емэну амэрыканскімі беспілётнікамі былі забітыя чацьвёра алькайдаўцаў, двое зь якіх належаць да кіраўніцтва гэтай тэрарыстычнай сеткі.
XS
SM
MD
LG