Лінкі ўнівэрсальнага доступу

logo-print

Магілёў: актывістку затрымалі за паштоўкі пра Бяляцкага


У цэнтры Магілёва супрацоўнікі АМАПу затрымалі моладзевую актывісту Дыяну Якаўлеву.

Яна раздавала мінакам паштоўкі зь інфармацыяй пра Алеся Бяляцкага.

Двое супрацоўнікаў міліцыі адвялі дзяўчыну ў пастарунак і сказалі, што яна затрымліваецца для высьвятленьня асобы.

Дыяна Якаўлева брала ўдзел у акцыі з нагоды Міжнароднага дня салідарнасьці з грамадзянскай супольнасьцю і праваабаронцамі Беларусі.

Пасьля апытаньня актывістку выпусьцілі з пастарунку.

Як паведаміла «Свабодзе» Дыяна, яна ўпершыню брала ўдзел у публічнай акцыі інфармаваньня грамадзкасьці пра сытуацыю з правамі чалавека ў Беларусі і нягледзячы на затрыманьне не шкадуе пра гэта.
Праваабаронца Дыяна Якаўлева

Праваабаронца Дыяна Якаўлева


«Яны выпытвалі ў мяне, дзе я ўзяла паштоўкі, хто мне кажа пра апазыцыйныя ідэі, дзе знаходзіцца ў Магілёве офіс «Вясны». Яны так называлі яго. Я сказала, што сёньня дзень салідарнасьці зь Бяляцкім і я раздавала паштоўкі. Віны я за сабой ніякай не адчуваю. Я хацела паінфармаваць людзей, што ў нас ёсьць чалавек, які займаўся абаронай людзей і цяпер ён у турме», заявіла Дыяна Якаўлева.
Праваабаронца Аляксей Колчын

Праваабаронца Аляксей Колчын


Калі дзяўчыну апытвалі, у пастарунак зайшоў магілёўскі праваабаронца Аляксей Колчын і заявіў, што гэта ён даў Дыяне паштоўкі. На пытаньні міліцыянтаў актывіст адмовіўся адказваць. Назваў толькі сваё імя і месца жыхарства. Пасьля фармальнасьцяў, зьвязаных з апытаньнем, Аляксея Колчына таксама адпусьцілі

Ні Якаўлевай, ні Колчыну міліцыянты не сказалі, што іх чакае далей.
Паштоўкі, за якія затрымалі Дыяну Якаўлеву

Паштоўкі, за якія затрымалі Дыяну Якаўлеву

XS
SM
MD
LG