Лінкі ўнівэрсальнага доступу

Ужо сёньня, 2 жніўня: 80-годзьдзе адкрыцьця Беламорканалу і БАЖынкі


Падзеі і даты гэтага дня ў Беларусі, сьвеце, гісторыі.


ПАДЗЕІ ДНЯ

Вёска Кадыш Гарадзенскага раёну. Адбудзецца ўсталяваньне памятнай шыльды паўстанцам 1863-га году. Пачатак а 15-ай гадзіне

Менск. У канфэрэнц-залі гатэлю «Менск» (праспэкт Незалежнасці, 11) пройдзе круглы стол «Актуальныя праблемы сацыяльнага руху» з удзелам прадстаўнікамі левых партый, незалежных прафсаюзаў і грамадзянскіх ініцыятыў. Удзел бяруць прадстаўнікоў Беларускай партыі «Зялёныя», Беларускай партыі левых «Справядлівы сьвет», Беларускай партыі працы, незалежных прафсаюзаў РУВП «Граніт» і ВМАП, праекту «Прасьвет». Пачатак а 9.30

У Беларусі і некаторых іншых краінах былога Савецкага Саюзу адзначаецца Дзень паветрана-дэсантных войскаў

2-3 жніўня БАЖ ладзіць свой традыцыйны фэст на прыродзе «БАЖынкі — 2013». Акрамя сур’ёзных майстар-клясаў, удзельнікаў чакаюць: пошукі «акрэдытацыі» на сьвята, спартовыя спаборніцтвы, інтэлектуальныя гульні, фэст аўтарскай песьні «Фрылянсы пяюць рамансы»

Менск. У Антыкафэ «Дом Фішэра» (праспэкт Незалежнасьці 84а) адбудзецца акустычны канцэрт Яўгена Барышнікава. Пачатак а 20:00



ГЭТЫ ДЗЕНЬ У ГІСТОРЫІ

У 1833 годзе ў Горадні быў пакараны сьмерцю на шыбеніцы Міхал Валовіч — удзельнік вызвольнага паўстаньня. Валовіч быў заўзяты прыхільнік утапічнага сацыялізму і ў сваіх марах бачыў Беларусь рэспублікай

У 1840 годзе паводле ўказу расейскага імпэратара спынена дзеяньне Статуту ВКЛ на тэрыторыі Віленскай, Гарадзенскай і Менскай губэрняў

У 1919 годзе ў Вільні Цэнтральнай беларускай радай Віленшчыны і Гарадзеншчыны створана Беларуская вайсковая камісія — орган па фармаваньні беларускіх частак у войску

У 1933 годзе адбылося ўрачыстае адкрыцьцё Беламорканалу

У 1937 годзе ў Беларусі пачаліся масавыя арышты і вынішчэньне так званых «польскіх шпіёнаў» — грамадзянаў польскай нацыянальнасьці. За год было арыштавана каля 16 тысяч такіх «шпіёнаў». Зь іх 14 тысяч расстралялі. Магчыма, большасьць гэтых ахвяраў ляжыць у Курапацкім лесе.

У 1990 годзе войскі Іраку ўварваліся ў Кувэйт

У гэты дзень нарадзіліся:

У 1549 годзе — Мікалай Крыштоф Радзівіл «Сіротка», дзяржаўны дзяяч Вялікага княства Літоўскага, вандроўнік

У 1949 годзе — Ісабэль Альендэ, чылійская пісьменьніца

У 1990 годзе — Наста Палажанка, дзяячка моладзевага руху, намесьніца старшыні «Маладога Фронту»

У гэты дзень памерлі:

У 1589 годзе — Генрык Валюа, кароль польскі і вялікі князь літоўскі

У 1719 годзе — Караль Станіслаў Радзівіл, дзяржаўны дзяяч Вялікага княства Літоўскага, канцлер, кавалер ордэну Белага Арла

У 1759 годзе — ксёндз Станіслаў Карвацкі, езуіт, прафэсар рыторыкі, місіянэр, тэоляг

ЦЫТАТА НА ПАМЯЦЬ

«А пісар земскі маець па руску, літарамі і словы рускімі, усі лісты, выпісы і позвы пісаці, а ня іншым языком і словы».

Статут ВКЛ 1588 году
XS
SM
MD
LG