Лінкі ўнівэрсальнага доступу

Расея: пачаў дзейнічаць антыпірацкі закон


Закон пра абарону аўтарскіх правоў на відэапрадукцыю ў інтэрнэце запрацаваў на тэрыторыі Расеі.

Паводле новага закона, правайдэры хостынгу і ўладальнікі сайтаў павінны будуць выдаляць «пірацкі» кантэнт цягам двух сутак пасьля таго, як атрымалі заявы праваўладальніка.

Калі ўладальнікі сайтаў не выдаляць кантэнт, то хостынг-правайдэр будзе абавязаны выдаліць яго самі або заблякаваць доступ да сайту.

Расейскія інтэрнэт-кампаніі пры канцы чэрвеня апублікавалі адкрыты зварот супраць антыпірацкага закону. Сярод аўтараў звароту: Mail.ru Group, Яндэкс, Афіша-Рамблер-СУП, Google Расея, OZON.RU.

Аўтары звароту лічаць, што новы закон паставіць крыж на посьпехах расейскай інтэрнэт-індустрыі, нагадвае ВВС.
XS
SM
MD
LG