Лінкі ўнівэрсальнага доступу

Горадня: чыноўнікаў ратуе яўка з павіннай


У Гарадзенскай вобласьці ў студзені-чэрвені распачата 67 крымінальных спраў карупцыйнай накіраванасьці.

За першае паўгодзьдзе праваахоўным органам паступіла ў 2 разы больш заяў пра факты карупцыі, чым за такі ж пэрыяд мінулага году.

Пра гэта заявіў БЕЛТА начальнік упраўленьня Сьледчага камітэту па Гарадзенскай вобласьці Ёсіф Лявонка.

Сярод найбуйнейшых спраў аб карупцыі за апошнія паўгода — крымінальная справа ў дачыненьні да дырэктара ўстановы сярэдняй спэцыяльнай адукацыі ў Лідзе, які падазраецца ў васьмі эпізодах атрыманьня хабару.

Ва ўпраўленьні Сьледчага камітэту па Гарадзенскай вобласьці паведамілі, што тут адмовіліся распачаць 19 крымінальных спраў па прыкметах дачы хабару і яшчэ 6 спраў па фактах крадзяжу шляхам злоўжываньня службовымі паўнамоцтвамі. У гэтых выпадках чыноўнікаў уратавала яўка з павіннай.
XS
SM
MD
LG