Лінкі ўнівэрсальнага доступу

За акцыю да Дня незалежнасьці затрыманыя актывісты руху «Альтэрнатыва» Алег Корбан, Вольга Бурневіч, Дзьмітрый Сільчанка і Алег Кероль. Затрыманых журналістаў — Захара Шчарбакова і Андрэя Корсака зь БелаПАНу, Сяргея Гудзіліна з «Нашай нівы» выпусьцілі з пастарунку

Сябры «Альтэрнатывы» сабраліся каля ўнівэрмагу «Беларусь» і разгарнулі бел-чырвона-белыя сьцягі. Актывісты і журналісты, якія асьвятлялі акцыю, былі затрыманыя.

Актывісты пасьпелі паведаміць праз тэлефон, што знаходзяцца ў Партызанскім РУУС Менску.

Журналістаў неўзабаве выпусьцілі. Пра гэта карэспандэнту Свабоды паведаміў фотакарэспандэнт газэты «Наша ніва» Сяргей Гудзілін.

«Нас затрымалі на мосьце, мы здымалі вывешваньне бел-чырвона-белых сьцягоў каля ўнівэрмагу „Беларусь“. Відавочна, што за намі сачылі пільна і была такая ўстаноўка, каб не было „карцінак“ з гэтага мерапрыемства. Пад’ехалі дзьве міліцэйскія машыны, там было чалавек шэсьць у цывільным. Затрыманьне прычым было ня жорсткім. Адзінае, што ў іх была здача не дапусьціць ніякіх матэрыялаў. Усе здымкі былі выдаленыя з флэшкі ў пастарунку».

Сяргей Гудзілін паведаміў, што актывісты яшчэ засталіся ў пастарунку, магчыма, на іх складаюць пратаколы.

Камэнтуючы сытуацыю Сяргей Гудзілін адзначыў:

«Гэта такое беларускае палітычнае надвор’е. Халоднае лета 2013 года».


**

27 ліпеня 1990 году Вярхоўны Савет БССР прыняў Дэклярацыю аб дзяржаўным сувэрэнітэце. Гэты дакумэнт стаў першым афіцыйным крокам да незалежнасьці Беларусі.

27 ліпеня было абвешчана Днём незалежнасьці Беларусі.

Паказаць камэнтары

XS
SM
MD
LG