Крушэньне цягніка ў Гішпаніі. Фота зь месца трагедыі

З прычыны чыгуначнай катастрофы ў Гішпаніі, паводле ўладаў краіны, загінулі 80 асобаў. 36 чалавек, у тым ліку 4 дзіцяці — у крытычным стане.

Некалькі чалавек знаходзяцца ў коме, таму ўлады непакояцца, што колькасьць загінулых можа ўзрасьці. Пасажырскі цягнік сышоў з рэек на ўезьдзе ў горад Сант’яга-дэ-Кампастэла на паўночным захадзе Гішпаніі.

Усяго ў экспрэсе, які кіраваўся ў горад Эль-Фэрол з Мадрыду, знаходзіліся 247 чалавек, паведаміў Самуэль Хуарэз, прадстаўнік ўраду рэгіёну Галісія, дзе адбылася катастрофа. (Відэа Reuters)