Лінкі ўнівэрсальнага доступу

logo-print

Ужо сёньня 26 ліпеня: 60-я гадавіна пачатку кубінскай рэвалюцыі, дзень нараджэньня Бэрнарда Шоў і Марціна Кухты


Пінск. помнік вызваленьню Пінска на тле сабору Ўзьнясеньня Панны Марыі. 26 ліпеня 1097 у «Аповесьці мінулых часоў» упершыню згадваецца горад .

Пінск. помнік вызваленьню Пінска на тле сабору Ўзьнясеньня Панны Марыі. 26 ліпеня 1097 у «Аповесьці мінулых часоў» упершыню згадваецца горад .

Падзеі і даты гэтага дня ў Беларусі, сьвеце, гісторыі

ПАДЗЕІ ДНЯ

Менск, у Нацыянальным мастацкім музеі Беларусі (вуліца Леніна, 20) адкрыецца выстава твораў жывапісу, графікі і скульптуры мастакоў Беларусі, чый юбілей прыпаў на 2013 год. Пачатак у 17.00.

Менск, у паб-клюбе «Графіці» (завулак Калініна, 16) адбудзецца выступ беларускага гурту The Unb. Пачатак у 19.00.

ДЗЕНЬ У ГІСТОРЫІ

1097: У «Аповесьці мінулых часоў» упершыню згадваецца горад Пінск.

1139: Абвешчаная незалежнасьць Партугаліі ад каралеўства Леон.

1511: Наваградак атрымаў магдэбургскае права.

Рэшткі Наваградзкага замка

Рэшткі Наваградзкага замка



1662: Кароль Ян II Казімір Ваза спэцыяльнай граматай абавязаў менскіх мяшчан падпарадкоўвацца гарадзкім законам, у любых абставінах падпарадкоўвацца гарадзкому магістрату і ўдзельнічаць у абароне гарадзкіх умацаваньняў.

1847: Лібэрыя стала першай незалежнай афрыканскай калёніяй.

1947: Прэзыдэнт ЗША Гары Трумэн падпісаў Закон аб нацыянальнай бясьпецы, згодна зь якім былі створаны Цэнтральнае разьведвальнае ўпраўленьне і Рада нацыянальнай бясьпекі ЗША.

1953: 165 кубінскіх рэвалюцыянэраў на чале з 27-гадовым Фідэлем Кастра ідуць на штурм ваеннай казармы Манкада ў горадзе Сант’яга-дэ-Куба. Аднак напад адбіваецца. Рэвалюцыянэры часткова гінуць, шмат каго арыштоўваюць, у тым ліку Фідэля Кастра. У кастрычніку 1953 на судзе Кастра скажа прамову «Гісторыя мяне апраўдае», у якой абвінаваціць дыктатуру Батысты у злачынствах супраць народа і выкладзе праграмныя прынцыпы удзельнікаў «Руху 26 Ліпеня». Ён будзе асуджаны на 15 гадоў, але стане знакаміты на ўсю краіну. Праз два гады ён будзе амніставаны, эмігруе ў Мэксыку, а яшчэ праз год высадзіцца зь яхты «Гранма» са жменькай паплечнікаў на выспу і ўзначаліць партызанскую барацьбу супраць улады Батысты.


Фільм пра кубінскіх рэвалюцыянэраў


1956: Прэзыдэнт Эгіпту Гамаль Абдул Насэр абвясьціў аб нацыяналізацыі Суэцкага канала.

1989: У Менску прайшоў масавы мітынг з патрабаваньнем стварэньня сьледчай камісіі па справе ўтойваньня інфармацыі пра Чарнобыль.

1997: У Менску пачаўся ІІ зьезд беларусаў сьвету.

У гэты дзень нарадзіліся:

1030: Станіслаў, біскуп кракаўскі, сьвяты-патрон Польшчы

1856: Бэрнард Шоў, брытанскі і ірляндзкі драматург

1875: Карл Густаў Юнг, швэйцарскі псыхааналітык.

Марцін Кухта, друкар, выдавец кніг на беларускай, рускай, польскай і літоўскай мовах

1885: Андрэ Маруа, францускі пісьменьнік

1896: Уладзімір Варава, беларускі пісьменьнік і журналіст

1943: Мік Джагер, лідэр рок-гурту Ролінг Стоўнз

Мік Джагер: Жыве Беларусь!


1953: Галіна Пятроўна Крываблоцкая, беларуская мастачка

1965: Зьміцер Саўка, беларускі філёляг

Моўнік. Каму трэба імя па бацьку?


1977: Аляксандр Валянцінавіч Сыман, беларускі біятляніст

1981: Аксана Бязьлепкіна, беларуская пісьменьніца, літаратуразнаўца, крытык.

У гэты дзень памерлі:

1931: Міхал Пятроўскі, беларускі хадэцкі дзяяч, каталіцкі сьвятар, прыхільнік беларусізацыі касьцёлу ў Беларусі

1952: Эва Пэрон, аргентынская акторка, першая лэдзі Аргентыны


ЦЫТАТА ДНЯ

У краіне светлай, дзе я ўміраю,
У белым доме ля сіняй бухты,
Я не самотны, я кнігу маю
З друкарні пана Марціна Кухты


Максім Багдановіч

Паказаць камэнтары

XS
SM
MD
LG