Лінкі ўнівэрсальнага доступу

logo-print

Ужо сёньня 25 ліпеня: паўторны разгляд крымінальнай справы Ўладзімера Някляева, дзень сьмерці Арсеньневай, Брыля, Высоцкага і Караткевіча


Падзеі і даты сёньняшняга дня ў Беларусі, сьвеце, гісторыі.

ПАДЗЕІ ДНЯ

Менск, у судзе Ленінскага раёну — паўторны разгляд крымінальнай справы ў дачыненьні да экс-кандыдата ў прэзыдэнты Уладзімера Някляева. Пачатак у 10 гадзінаў.

Менск, у цэнтральным офісе Аб’яднанай грамадзянскай партыі (вул. В. Харужай, 22-1701) — прэсавая канфэрэнцыя на тэму «Паляваньне на спадарожнікавыя талеркі: хто і чаму?». Пачатак у 14 гадзінаў

Мінск, рок-клюб TNT (вул. Рэвалюцыйная, 9) — Канцэрт-трыб’ют «Абэцэда року» з удзелам гуртоў «Flat», «Gentle Beat» і «Гаер», якія выканаюць клясыку рок-н-ролу. Пачатак у 19 гадзінаў.

Страсбур, Эўрапейскі суд па правах чалавека разгледзіць скаргу па справе Міхаіла Хадаркоўскага

ДЗЕНЬ У ГІСТОРЫІ

1410 — войскі Польшчы і Вялікага Княства Літоўскага пачалі аблогу сталіцы Тэўтонскага ордэну — гораду Марыенбургу.

1550 — у пісьмовых крыніцах упершыню згадваецца Ўзда, у той час — як двор Корсакаў у Менскім павеце.

1687 — Іван Мазепа быў абраны гетманам Украіны

1907 — расейскі фізык Барыс Розінг падаў заяўку на патэнт «Спосаб электрычнай перадачы адлюстраваньня на адлегласьць». Працы Розінга працягвалі крокі навукоўцаў сьвету да вынаходзтва тэлебачаньня.

1943 — у выніку перавароту быў адхілены ад пасады і арыштаваны кіраўнік італьянскіх фашыстаў Бэніта Мусаліні.

1993 — у Лідзе адкрыты першы ў Беларусі помнік Францішку Скарыну працы скульптара Валяр’яна Янушкевіча. Лідчукі лічаць, што Скарына мог ехаць вучыцца з Полацку ў Кракаў, а таксама вяртацца празь Ліду.

2011 — Партыя БНФ разьвіталася са сваёй менскай сядзібай па пр. Машэрава, 8. Памяшканьне, што стала цэнтрам дэмакратычнага жыцьця, нібыта спатрэбілася камунальным службам.

У гэты дзень нарадзіліся:

1903 — Мікалай Несьцяровіч, акадэмік, беларускі батанік-дэндроляг.

1936 — Леанід Левін, архітэктар, адзін са стваральнікаў мэмарыяльных комплексаў «Хатынь», «Прарыў», помнікаў Янку Купалу і Якубу Коласу ў Менску, Канстанціну Заслонаву ў Воршы.

1937 — Дзьмітры Смольскі, кампазытар, народны артыст Беларусі.

1947 — Аляксандар Мілінкевіч, беларускі палітык і навукоўца

У гэты дзень памерлі:

1877 — Іван Насовіч, беларускі філёляг, этнограф і фальклярыст, стваральнік «Слоўніка беларускай мовы».

1934 — Нестар Махно, украінскі анархіст

1939 — Эдвард фон Роп, рэлігійны й грамадзка-палітычны дзеяч Беларусі й Летувы

1945 — Станіслаў Грынкевіч, беларускі грамадзкі й палітычны дзеяч

1980 — Уладзімер Высоцкі, расейскі паэт, артыст і сьпявак

1984 — Уладзімер Караткевіч, беларускі пісьменьнік, паэт, драматург

1997 — Натальля Арсеньнева, беларуская паэтка

2001 — Дзяніс Хвастоўскі, беларускі паэт

2006 — Янка Брыль, беларускі пісьменьнік

ЦЫТАТА ДНЯ

Зусім не хістаюцца слупы, асабліва — глыбока ўкапаныя.
Янка Брыль
XS
SM
MD
LG