Лінкі ўнівэрсальнага доступу

logo-print

Лукашэнку запрасілі на 1025-годзьдзе хрышчэньня Русі ў Кіеве


У Міністэрстве замежных спраў Украіны пацьвердзілі ўдзел трох прэзыдэнтаў — Расеі, Малдовы і Сэрбіі — у сьвяткаваньні 1025-годзьдзя хрышчэньня Русі.

У той жа час пытаньне ўдзелу кіраўнікоў шэрагу іншых дзяржаў МЗС працягвае адпрацоўваць, — паведаміў дырэктар дэпартамэнту інфармацыйнай палітыкі МЗС Яўген Перабійніс на брыфінгу ў Кіеве. Ён адзначыў, што на дзяржаўныя ўрачыстыя мерапрыемствы было запрошана шырокае кола замежных гасьцей высокага роўню.

Ва ўкраінскай амбасадзе ў Беларусі карэспандэнту Свабоды паведамілі, што запрашэньне накіравана і кіраўніку Беларусі Аляксандру Лукашэнку.

У Беларусі 1025-годзьдзе хрышчэньня Русі будуць адзначаць 28–29 ліпеня. Чакаецца прыезд патрыярха Маскоўскага Кірыла і ачольнікаў яшчэ сямі памесных праваслаўных цэркваў.

Паказаць камэнтары

XS
SM
MD
LG