Лінкі ўнівэрсальнага доступу

Пра гэта піша нямецкі часопіс Der Spiegel, грунтуючыся на выніках дасьледаваньня аддзелу ААН па кібэрбясьпецы.

Адмыслоўцы аддзелу прыйшлі да высновы, што каля паўмільярда мабільных тэлефонаў па ўсім сьвеце могуць стаць аб’ектамі хакерскіх нападаў. З-за састарэлага стандарту шыфраваньня SED, распрацаванага яшчэ ў 70-х гадах мінулага стагодзьдзя, які ўжываецца ў некаторых сім-картах мабільных тэлефонаў аж да цяперашняга часу, зламысьнікі з дапамогай адмысловай шкоднай sms могуць атрымліваць аддалены доступ да тэлефонаў карыстальнікаў, тэлефанаваць і адпраўляць зь яго паведамленьні без іх ведама, а таксама атрымліваць інфармацыю аб банкаўскіх картах, якая захоўваецца на тэлефоне.

«Вынікі дасьледаваньняў паказваюць, што карыстальнікі многіх краін рызыкуюць», — прызнае генэральны сакратар Міжнароднага саюзу электрасувязі (МСЭ) Хамадун Турэ. У бліжэйшай будучыні МСЭ паведаміць аб патэнцыйнай пагрозе тэлекамунікацыйным рэгулятарам і дастаўнікам тэлекамунікацыйных паслуг з больш чым 200 краін.

Недахоп у сыстэме бясьпекі тэлефонаў выявіла нямецкая кампанія Security Research Labs. Па словах Карстэна Нола, кіраўніка фірмы, якая брала ўдзел у дасьледаваньні, узлом, як правіла, зусім не прыкметны для карыстальнікаў тэлефонаў.

Сім-карты з сымэтрычным альгарытмам шыфраваньня, па словах Нола, устаноўлены ў кожным восьмым тэлефоне ў сьвеце. Сумарная колькасьць карыстальнікаў такіх сім-карт ацэньваецца ў 900 млн. чалавек. Таксама фірма паказвае, што напады пагражаюць ўсім тыпам тэлефонаў незалежна ад брэнду — ад прадукцыі кампаніі Apple і смартфонаў, якія выкарыстоўваюць плятформу Android, да тэлефонаў кампаніі Blackberry.

Пры падрыхтоўцы матэрыялу скарыстаны пераклад парталу Inopressa

Паказаць камэнтары

XS
SM
MD
LG