Лінкі ўнівэрсальнага доступу

logo-print

Кітайская аўтамабілебудаўнічая кампанія Geely, якая ўваходзіць у голдынг пад назвай Geely Group, падпісала пагадненьне аб стварэньні вялікага супольнага кітайска-беларускага прадпрыемства па вытворчасьці аўтамабіляў Geely у Беларусі.

Сайт PRNewswire паведамляе, што ў адпаведнасьці з пагадненьнем, Geely Group разам з БелАЗам і Саюзам (супольным прадпрыемствам па вытворчасьці буйнагабарытных кампанэнтаў) утвораць закрытае акцыянэрнае таварыства BelGee. Новае прадпрыемства, з плянавай гадавой вытворчай магутнасьцю 120 000 адзінак, будзе вырабляць аўтамабілі Geely ў Беларусі, пачынаючы з SUV-EX7, Geely SC7, SC5 і LC-Cross.

Паведамляецца таксама, што аўтамабіль Geely SC7 быў даступны ў Беларусі з сакавіка сёлета, а SUV-EX7, як чакаецца, будзе гатовы да канца 2013 года.

Аўтамабілі маркі Geely вельмі актыўна прадаюцца ў Расеі і Ўкраіне, а цяперашняе пагадненьне аб сумесным прадпрыемстве зь Беларусьсю мае даць кітайцам плятформу для пашырэньня іхнай прысутнасці на рынку СНД.



Беларускія раздарожжы замежных аўто


Паказаць камэнтары

XS
SM
MD
LG