Ліст з такой прапановай у Нарвэскі нобэлеўскі камітэт накіраваў прафэсар сацыялёгіі швэдзкага ўнівэрсытэту Умэа Стэфан Свалфарс, якія зьяўляецца сябрам Каралеўскай акадэміі навукаў Швэцыі і як такі мае права вылучаць кандыдатаў на Нобэлеўскую прэмію.
Ліст Свалфарса апублікавала швэдзкае выданьне Västerbottens-Kuriren.
Паводле Свалфарса, Сноўдэн сваім «гераічным намаганьнем» выявіў існаваньне і памер сачэньня, якое зьдзяйсьняюць амэрыканскія ўлады за сусьветнай электроннай сувязьзю. «Праз свае асабістыя намаганьні ён таксама паказаў, што адзінкі могуць выступаць у абарону асноўных правоў і свабодаў» — лічыць швэдзкі прафэсар.
Ангельскае выданьне Daily Mail адзначае, што ў сьпіс кандыдатаў на Нобэлеўскую прэмію міру 2013 году Сноўдэн ужо не патрапіць, паколькі гэты сьпіс быў закрыты 1 лютага сёлета, але ён мае шанцы стаць кандыдатам у 2014 годзе.
Расейскія СМІ адзначаюць, што Эдвард Сноўдэн, які другі раз папрасіў палітычнага прытулку ў Расеі, усё яшчэ знаходзіцца на лётнішчы Шарамецьева. Кіраўнік Фэдэральнай міграцыйнай службы Расеі Канстанцін Рамаданаўскі заявіў, што ніякіх афіцыйных запытаў ад Сноўдэна ў ягонае ведамства да гэтага часу не паступала, дадаючы, што як толькі падобны зварот зьявіцца, яго разгледзяць ва «ўстаноўленым законам парадку».
Ліст Свалфарса апублікавала швэдзкае выданьне Västerbottens-Kuriren.
Паводле Свалфарса, Сноўдэн сваім «гераічным намаганьнем» выявіў існаваньне і памер сачэньня, якое зьдзяйсьняюць амэрыканскія ўлады за сусьветнай электроннай сувязьзю. «Праз свае асабістыя намаганьні ён таксама паказаў, што адзінкі могуць выступаць у абарону асноўных правоў і свабодаў» — лічыць швэдзкі прафэсар.
Ангельскае выданьне Daily Mail адзначае, што ў сьпіс кандыдатаў на Нобэлеўскую прэмію міру 2013 году Сноўдэн ужо не патрапіць, паколькі гэты сьпіс быў закрыты 1 лютага сёлета, але ён мае шанцы стаць кандыдатам у 2014 годзе.
Расейскія СМІ адзначаюць, што Эдвард Сноўдэн, які другі раз папрасіў палітычнага прытулку ў Расеі, усё яшчэ знаходзіцца на лётнішчы Шарамецьева. Кіраўнік Фэдэральнай міграцыйнай службы Расеі Канстанцін Рамаданаўскі заявіў, што ніякіх афіцыйных запытаў ад Сноўдэна ў ягонае ведамства да гэтага часу не паступала, дадаючы, што як толькі падобны зварот зьявіцца, яго разгледзяць ва «ўстаноўленым законам парадку».
