Лінкі ўнівэрсальнага доступу

У Індыі разьвітваюцца з тэлеграфам


Тысячы людзей па ўсёй Індыі сышліся ў нядзелю ў тэлеграфных аддзяленьнях, каб адправіць апошнія тэлеграмы. Служба тэлеграфу з гэтага дня спыняе прымаць тэлеграмы, а ў панядзелак даставіць апошнія зь іх.

Тэлеграфная служба Індыі, якой 162 гады, — апошняя служба ў сьвеце такога маштабу.

Цяпер, з разьвіцьцём мабільнай тэлефаніі, электроннай пошты і іншых сучасных спосабаў сувязі, індыйскі тэлеграф перадаваў толькі па пяць тысяч паведамленьняў у дзень на ўсю Індыю з насельніцтвам каля мільярда з чвэрцю людзей. У пэрыяд найбольшага размаху, у 1980-х, гэтая служба была галоўным спосабам сувязі на вялікія адлегласьці ў Індыі, перадавала па 600 тысяч паведамленьняў у дзень.
XS
SM
MD
LG