Лінкі ўнівэрсальнага доступу

logo-print

У Кітаі ўступіў у сілу закон, які абавязвае наведваць старых бацькоў.

Бацькі, старэйшыя за 60 гадоў, якіх не наведваюць дзеці, будуць мець права падаць у суд. У законе, аднак, не прапісана, наколькі частымі павінны быць наведваньні і якія пакараньні чакаюць парушальнікаў.

На першым судовым паседжаньні пасьля ўступленьня закону ў сілу, суд гораду Вусі на усходзе Кітаю загадаў сямейнай пары прынамсі раз на два месяцы наведваць 77-гадовую маці жонкі, якая жыве ад іх за 40 кілямэтраў, пад пагрозай штрафу ці нават турэмнага зьняволеньня.

Адзін з распрацоўшчыкаў законапраекту, Сяо Цьзіньмінь, выкладчык права ва ўнівэрсытэце Шандонгу, кажа, што новы закон у асноўным скіраваны на тое, каб прыцягнуць увагу да праблемы. «Перш за ўсё ён павінен падкрэсьліць права старых людзей на эмацыйную падтрымку...» — сказаў ён

Прагназуецца, што да 2053 году колькасьць кітайцаў, старэйшых за 60 гадоў, вырасьце зь цяперашніх 185 мільёнаў да 487 мільёнаў (да 35 працэнтаў ад агульнага прагназаванага насельніцтва Кітаю).

Паказаць камэнтары

XS
SM
MD
LG