Лінкі ўнівэрсальнага доступу

NASA пачынае глябальны праект па вывучэньні Сонца


NASA будзе дасьледаваць Сонца з новай пазыцыі — з дапамогай новага арбітальнага тэлескопа IRIS (Interface Region Imaging Spectrograph). Праект каштуе 181 млн даляраў і, як кажуць у касьмічнай адміністрацыі, дазволіць чалавецтву інакш зірнуць на прыроду працэсаў на Сонцы.

«Фізыка спрабуе зразумець асновы функцыянаваньня Сонечнай сістэмы. Якія працэсы адбываюцца на Сонцы? Як на гэта рэагуе жыцьцэ на Зямлі? Для гэтага мы ўвасабляем цэлы комплекс захадаў. Нашы прылады сочаць за Сонцам, Зямлёй, за прамежкавымі ўчасткамі, месцамі спрабуюць выйсьці за межы Сонечнай сыстэмы», — кажа навуковец з NASA Джэфры Ньюмарк.

Тэлескоп засяродзіцца на вывучэньні працэсаў у пераходнай зоне вонкавых слаёў сонечнай атмасфэры. Навукоўцаў цікавіць, чаму там тэмпэратура сягае месцамі мільёна стопняў — а на самой паверхні зоркі не перавышае 6 тысячаў.

Тэлескоп разьмесьціцца на арбіце вышэй лініі ўзыходу Сонца, таму будзе да пастаянны доступ. IRIS зможа фіксаваць выкіды плязмы — працэс, які непасрэдна ўплывае на працэсы жыцьця на Зямлі.
XS
SM
MD
LG